Seksen 81
Revelesen we Lod i givim tru long Profet Josef Smit, long Haeram, Ohaeo, long 15 Maj 1832. Lod i singaotem Frederik G. Wiliams blong i wan hae pris mo wan kaonsela long Presidensi blong Hae Prishud. Ol rekod blong histri oli soem se taem Josef Smit i bin kasem revelesen ia long Maj 1832, revelesen ia i bin singaotem Jesi Gaos long ofis blong kaonsela blong Josef Smit insaed long Presidensi. Be, taem hem i bin foldaon blong gohed oltaem wetem wok blong hem, koling ia oli bin givim long Frederik G. Wiliams. Revelesen ia (we deit blong hem i Maj 1832), yumi mas lukluk long hem olsem wan step i go fored i go long stret oganaesesen blong Fas Presidensi, speseli from se i nidim ofis blong kaonsela insaed long presidensi ia, mo i eksplenem ona blong wok ia. Brata Gaos i bin givim seves blong wan smol taem be afta, oli bin eskomuniketem hem long Jos long Disemba 1832. Josef Smit i bin odenem Brata Wiliams long stret ofis ia long 18 Maj 1833.
1–2, Oltaem nomo Fas Presidensi i holem ol ki blong kingdom; 3–7, Sapos Frederik G. Wiliams i fetful long seves blong hem, bambae hem i kasem laef we i no save finis.
1 I tru, i tru, mi talem long yu, wokman blong mi, Frederik G. Wiliams: Lisin long voes blong hem we i stap toktok, long toktok blong Lod God blong yu, mo wok gud long koling we mi singaotem yu long hem, we i blong yu stap wan ahae pris long jos blong mi, mo wan kaonsela long wokman blong mi, Josef Smit Junia,
2 we mi bin givim long hem ol aki blong kingdom, we oltaem, i blong bPresidensi blong Hae Prishud:
3 From hemia, i tru, mi luksave hem mo bae mi blesem hem, mo yu tu, folem hamas yu yu fetful long kaonsel ia, long ofis we mi bin putum yu long hem, oltaem long prea, long wan voes we i laod mo long hat blong yu, long pablik mo long praevet, mo tu, long seves blong yu blong talemaot gospel long graon blong olgeta we oli laef, mo long medel blong ol brata blong yu.
4 Mo taem yu mekem olgeta samting ia, bambae yu mekem wan bigfala gud long ol narafala man, mo bambae yu leftemap aglori blong hem we i Lod blong yu.
5 Taswe, stap fetful; stanap long ofis we mi bin putum yu long hem; agivhan long olgeta we oli no strong, leftemap ol han we oli hang i kamdaon, mo mekem ol ni ia we oli bno strong oli dkam strong moa.
6 Mo sapos yu fetful kasem en, bambae yu gat wan hat blong king blong afasin blong nomo save ded, mo blaef we i no save finis long ol ples we mi bin mekem i rere insaed long dhaos blong Papa blong mi.
7 Luk, mo luk gud, hemia nao ol toktok blong Alfa mo Omega, we i Jisas Kraes. Amen.