Hae Pris

Wan ofis long prishud. Ol skripja oli tokbaot “hae pris” long tufala wei: (1) wan ofis long Melkesedek Prishud; mo (2) anda long loa blong Moses, prisaeding ofisa blong Aronik Prishud.

Fasfala mining, i tokbaot Jisas Kraes olsem bigfala Hae Pris. Adam mo evriwan long ol petriak oli stap tu olsem ol hae pris. Tedei, olgeta trifala prisaeding hae pris oli stap olsem Presidensi blong Jos, mo oli prisaed ova long evri nara man we oli kasem prishud, mo ol memba blong Jos. Sam moa man we oli klin inaf oli stap odenem olgeta olsem ol hae pris olsem we i stret blong mekem raon long Jos tedei. Ol hae pris, oli save singaotem olgeta, setem olgeta apat, mo odenem olgeta olsem ol bisop (D&K 68:19; 107:69–71).

Long nambatu mining blong hem, anda long loa blong Moses, prisaeding ofisa blong Aronik Prishud, oli bin stap singaotem hem, hae pris. Ofis ia i pas i go daon folem laen blong papa, mo i kam tru long fasbon long medel blong famli blong Eron, mo Eron hemwan, hem i fas hae pris blong oda blong Aronik (Eks 28–29; Lev 8; D&K 84:18).