“Ishmaeli dhe Familja e Tij”, Tregime nga Libri i Mormonit (2023)
Ishmaeli dhe Familja e Tij
Së bashku në udhëtimin drejt tokës së premtuar
Familja e Lehit dhe Sarias jetoi e vetme në vendin e shkretë. Një ditë, Zoti i tha Lehit që t’i dërgonte në Jerusalem bijtë e tij, Lamanin, Lemuelin, Samin dhe Nefin. Ata u dërguan që t’u kërkonin Ishmaelit dhe familjes së tij që të bashkoheshin me ta. Së bashku, familjet e tyre mund t’i rritnin fëmijët në tokën e premtuar.
Ishmaeli dhe familja e tij dëshironin ta ndiqnin Zotin. Ata besuan se Zoti dëshironte që ata të bashkoheshin me familjen e Lehit dhe të Sarias. Zgjodhën që të largoheshin nga Jerusalemi dhe të takoheshin me Lehin në vendin e shkretë.
Gjatë udhës së tyre, disa njerëz nuk donin më që të bindeshin. Ata dëshironin të ktheheshin mbrapsht në shtëpi. Nefi u kërkoi që të kishin besim te Zoti.
Nefi tha se Zoti mund të bënte gjithçka nëse ata kishin besim. Por Lamani dhe Lemueli ishin të inatosur. Ata e lidhën Nefin dhe donin ta linin në vendin e shkretë.
Nefi u lut për ndihmë. Litarët u zgjidhën dhe Nefi u ngrit në këmbë. Por Lamani dhe Lemueli ende donin ta lëndonin atë. Njëra nga bijat e Ishmaelit e mbrojti Nefin. Nëna e saj dhe njëri nga vëllezërit e saj gjithashtu e mbrojtën atë. Lamani dhe Lemueli i dëgjuan dhe nuk u përpoqën më që ta lëndonin Nefin.
Lamani dhe Lemueli ndien keqardhje për atë që kishin bërë. Ata i kërkuan falje Nefit. Nefi i fali vëllezërit e vet. Më pas Lamani dhe Lemueli u lutën dhe i kërkuan Zotit që t’i falte.
Ata të gjithë e vazhduan udhëtimin e tyre dhe mbërritën te çadra e Lehit dhe Sarias. Përfundimisht të dyja familjet ishin së bashku. Ata falënderuan Zotin dhe e adhuruan Atë.