“Alma tek Ujërat e Mormonit”, Tregime nga Libri i Mormonit (2023)
Alma tek Ujërat e Mormonit
Të bëhemi njerëz të Perëndisë
Alma kishte qenë prift për një mbret që quhej Noe. Alma u përpoq ta shpëtonte Abinadin, një profet të Perëndisë, që të mos vritej nga Noeu. Mirëpo Noeu u zemërua me Almën dhe deshi ta vriste edhe Almën. Alma ia mbathi nga Noeu për të shpëtuar jetën. Gjatë ditës, Alma u fsheh afër një vendi që quhej Ujërat e Mormonit.
Alma e besoi atë që kishte dhënë mësim Abinadi rreth Jezu Krishtit. Ai i kërkoi Perëndisë ta falte për mëkatet dhe gabimet e tij.
Alma u takua me njerëzit në fshehtësi dhe u dha mësime rreth Jezusit. Ai i dha mësim gjithkujt që donte të dëgjonte.
Shumë njerëz i besuan Almës. Ata shkuan tek Ujërat e Mormonit për ta dëgjuar Almën duke dhënë mësim.
Besimtarët deshën të quheshin populli i Perëndisë, t’i ndihmonin të tjerët në nevojë dhe t’u tregonin njerëzve rreth Perëndisë. Kështu Alma i ftoi ata të pagëzoheshin. Duke u pagëzuar, ata do të bënin një besëlidhje, ose premtim me Perëndinë, për t’i shërbyer Atij dhe për t’i zbatuar urdhërimet e Tij. Në këmbim, Perëndia do t’i bekonte ata me Shpirtin e Tij.
Njerëzit ishin shumë të lumtur. Ata trokitën duart dhe thanë se donin të pagëzoheshin. Alma e pagëzoi secilin prej tyre në Ujërat e Mormonit. Ata u mbushën të gjithë me Shpirtin e Perëndisë dhe e ndien dashurinë e Perëndisë ndaj tyre. Ata u bënë anëtarë të Kishës së Krishtit.
Noeu pa se disa nga njerëzit e tij po largoheshin nga toka e tij. Ai dërgoi shërbëtorë për t’i vëzhguar ata. Shërbëtorët panë që njerëzit po shkonin në tokën e Mormonit për të dëgjuar mësimet e Almës. Noeu u zemërua shumë. Ai dërgoi ushtrinë e tij për të vrarë Almën dhe njerëzit të cilëve Alma po u jepte mësim.
Perëndia e paralajmëroi Almën për ushtrinë. Me ndihmën e Perëndisë, Alma dhe njerëzit e tij u larguan të sigurt nga qyteti. Ushtria nuk i arriti dot ata. Ata ecën për tetë ditë në vendin e shkretë dhe arritën në një tokë të bukur. Ata krijuan shtëpi të reja atje. Alma u dha mësim njerëve dhe ata e mbajtën premtimin e tyre ndaj Perëndisë.