“Abishi”, Tregime nga Libri i Mormonit (2023)
Abishi
Duke dihmuar popullin e saj që të besojë te Jezusi
Abishi punonte për një mbretëreshë që ishte lamanite. Abishi kishte mësuar rreth Jezu Krishtit nga një vegim i të atit të saj. Për shumë vjet, ajo besonte te Jezusi dhe donte ta ndiqte Atë. Por ajo nuk u kishte thënë ende lamanitëve të tjerë.
Një ditë, një nefit, që quhej Amoni, erdhi në mbretëri për t’u dhënë mësim lamanitëve rreth Jezusit dhe Perëndisë. Mbretëresha dhe mbreti e besuan atë që dha mësim Amoni. Mbretëresha dhe mbreti e dinin se Jezusi do të vinte në tokë dhe do të bënte që kushdo që besonte tek Ai, të mund të merrte falje.
Alma 17:12–13; 18:33–36, 39–40; 19:9, 13
Mbretëresha dhe mbreti e ndien Frymën e Shenjtë dhe ishin aq të lumtur, saqë ranë përdhe. Amoni dhe shërbëtorët ranë përdhe gjithashtu. Abishi ishte e vetmja që mbeti në këmbë.
Abishi donte t’u tregonte njerëzve rreth kësaj mrekullie. Ajo shpresonte që njerëzit do ta besonin fuqinë e Perëndisë kur të shihnin se çfarë kishte ndodhur. Ndaj, Abishi vrapoi nga shtëpia në shtëpi. Ajo u tha njerëzve të shkonin dhe të shihnin atë që Perëndia kishte bërë për mbretëreshën dhe mbretin.
Shumë njerëz erdhën te shtëpia e mbretëreshës dhe e mbretit. Ata u habitën ngaqë dukej sikur mbretëresha, mbreti dhe të gjithë shërbëtorët e tyre kishin vdekur.
Njerëzit ishin të pështjelluar. Ata debatonin rreth asaj që iu kishte ndodhur mbretëreshës dhe mbretit.
Kur Abishi u kthye, ajo pa që njerëzit po debatonin. Ajo u trishtua ngaqë ata nuk e shihnin fuqinë e Perëndisë. Pastaj ajo e kapi mbretëreshën për dore dhe mbretëresha u ngrit duke përlëvduar Jezusin.
Mbretëresha e kapi bashkëshortin e saj për dore dhe ai u ngrit. Mbreti u tregoi njerëzve rreth Jezusit. Më pas Amoni dhe shërbëtorët e tjerë u ngritën në këmbë. Të gjithë ata u treguan njerëzve se Jezusi i kishte ndryshuar ata. Tani ata donin të bënin vetëm gjëra të mira. Shumë njerëz u besuan atyre.
Ashtu si kishte shpresuar Abishi, populli e pa fuqinë e Perëndisë. Shumë njerëz besuan te Jezusi dhe u pagëzuan. Ata kishin me ta Shpirtin e Perëndisë. Ata madje themeluan Kishën në tokën e tyre. Ata panë se Jezusi e ndihmon çdokënd që pendohet dhe beson tek Ai.