Бүлэг 12
Кана хотод болсон хурим
Есүс эхийгээ хүндэлж хайрладаг байлаа. Тэр ээжээсээ юу хийлгэхийг хүсч байгааг нь асуув.
Есүсийн хэлснийг хийхийг ээж нь хуриманд үйлчилж байсан зарцад хэлэв.
Зургаан ширхэг том чулуун савыг усаар дүүргэхийг Есүс зарц нарт хэлэв. Сав тус бүр 68 – 102 литрийн багтаамжтай байв. Тэгээд Есүс усыг дарс болгон хувиргав.
Дарсыг савнуудаас нь гарган найрын эздэд аягалан өгөхийг Есүс зарц нарт хэлэв.
Найрын эзэн дарсыг ууж үзээд ихэд гайхшрав. Хамгийн сайн дарсыг найрын эхэнд өгдөг уламжлалтай байв. Харин энэ удаа хамгийн сайн дарс нь хамгийн сүүлд өгөгджээ.
Энэ бол бичигдэж үлдсэн Есүсийн дэлхий дээр байхдаа гүйцэтгэсэн анхны гайхамшиг байлаа. Тэрээр үүнийг эхдээ туслахын тулд хийсэн байв. Энэ нь мөн Түүний шавь нарын итгэлийг хүчирхэгжүүлэхэд тус болжээ.