Бүлэг 46
Хоёр дахь ирэлт
Түүний Хоёр дахь Ирэлтийн өмнө хуурамч бошиглогчид өөрсдийгөө Христ хэмээн мэдэгдэх болно гэж Есүс хэлэв. Олон ч хүн тэднийг дагах болно. Гэвч Есүсийн дагалдагчид Түүний үгсийг дуулгавартай дагавал тэд хуурамч бошиглогчдод хууртахгүй. Тэд аврагдах болно.
Түүний дахин ирэлтээс өмнө олон дайн дажин, өлсгөлөн, аймшигт өвчин тархаж, газар хөдлөлт болох болно гэж Есүс хэлэв. Олон хүн бусдад туслахаа больж, муу санаатай байх болно.
Сайн мэдээ дэлхий даяар тархах болно, гэвч олон хүн сонсохгүй.
Нар харанхуйлж, сар гэрэлтэхээ больж, одод тэнгэрээс унах болно.
Есүс Христийг дахин ирэхэд, хүмүүс Түүнийг үүлэн дундаас сүр хүч, гайхалтай алдар суутайгаар ирж байгааг харах болно. Тэрээр зөв шударга хүмүүсийг цуглуулахаар тэнгэр элчүүдээ илгээх болно.
Зөв зүйлийг хийснээр бид Хоёр дахь ирэлтэнд бэлтгэж чадна. Есүсийн амласан тэмдэгүүд тохиолдож эхлэхэд Аврагчийн ирэлт ойртсон байна гэдгийг бид мэднэ. Есүс дахин яг хэзээ ирэхийг хэн ч мэдэхгүй. Хэрэв бид бэлтгэлтэй байвал Түүнтэй хамт байх болно.