Бүлэг 48
Талант
Тэр хүн нэг зарцдаа таван талант өгчээ. Өөр нэг зарцдаа хоёр талант өгөв. Гурав дахь зарцдаа нэг талант өглөө. Тэгээд эзэн нь аянд явжээ.
Таван таланттай зарц нь маш шаргуу хөдөлмөрлөжээ. Тэр дахин таван таланттай болов. Одоо тэр арван таланттай болжээ.
Хоёр таланттай зарц ч мөн шаргуу хөдөлмөрлөв. Тэрээр дахин хоёр таланттай болов. Одоо тэр дөрвөн таланттай болжээ.
Нэг таланттай зарц нь түүнийгээ газарт булчихав. Тэрээр үүнийгээ алдахаас айжээ. Тэр дахин талант цуглуулахын тулд хөдөлмөрлөсөнгүй.
Эзэн нь буцаж ирээд зарц нараасаа талантаараа юу хийсэн тухай асуув.
Эхний зарц нь арван талант авчирч өгөв. Эзэн нь баяртай байв. Эзэн нь түүнийг захирагчаар томилоод баяр баясгалантай бай гэж хэлэв.
Хоёр дахь зарц нь эзэндээ дөрвөн талант авчрав. Энэ бас л эзнийг баярлуулав. Тэр хоёр дахь зарцыг мөн л удирдагчаар томилж баяр баясгалантай бай гэв.
Гурав дахь зарц нь газар булсан байсан талантаа гарган эзэндээ өгөв. Эзэн нь ууртай байлаа. Залхуу зарц хэмээн тэр хэлэв. Илүү талант цуглуулахын төлөө тэр хөдөлмөрлөх хэрэгтэй байсан гэв.
Эзэн гурав дахь зарцаас нэг талантыг нь авч эхний зарцдаа өглөө. Тэгээд тэр залхуу зарцаа хөөгөөд явуулав. Түүх дээр гарч буй эзэн нь Есүстэй адил юм. Бид зарц нартай адил билээ. Бид өгөгдсөн бэлэг бүхнээ хэрхэн ашиглаж байгааг Есүс шүүн дүгнэх болно.