Бүлэг 35
Сайн санаат Самари хүн
Нэгэн өдөр Еврейчүүдийн удирдагч мөнхийн амьдралтай байхын тулд юу хийх ёстойгоо Есүсээс асуув. Судар дээр юу гэж өгүүлсэн тухай Аврагч түүнээс асуув. Хүн Бурханыг болон өөрийн хөршөө хайрлах хэрэгтэй гэж удирдагч хэлэв. Тэр зөв хэлж байна гэж Есүс хэлэв. Тэгэхэд удирдагч, “Хэн миний хөрш юм бэ?” гэж асуув.
Есүс тэр хүнд түүхээр хариултыг нь өгөв. Нэгэн өдөр Иерихо хот орохоор нэг Еврей хүн алхаж явав. Дээрэмчид түүнийг дээрэмдээд, зодож нүджээ. Бараг үхлүүт болсон залууг тэд зам дээр орхиод явлаа.
Удалгүй Еврей прист явж байгаад залууг харав. Прист замын нөгөө талаар явж өнгөрлөө. Тэр залууд тусалсангүй.
Ариун сүмд ажилладаг өөр нэг Еврей хүн ирж явлаа. Бэртсэн залууг тэр харав. Гэвч тэр түүнд туслалгүй замын нөгөө талаар явж өнгөрчээ.
Тэгтэл Самари хүн ирж байлаа. Еврейчүүд болон Самаричууд хоорондоо таардаггүй байв. Харин Самари хүн залууг хараад ихэд өрөвджээ. Тэр залуугийн шархыг цэвэрлээд даавуу тавьж боов.
Лук 10:33–34; Иохан 4:9 ; Bible Dictionary, “Samaritans,” 768
Самари хүн залууг дэн буудалд хүргэж маргааш өдрийг нь хүртэл халамжлан асрав. Самари хүн явахдаа буудлын эзэнд мөнгө өгөөд залууг асарч байхыг хүсэв.
Энэхүү түүхийг ярьсныхаа дараа Есүс Еврей удирдагчаас тэр гурван эрийн хэн нь бэртсэн залуугийн хөрш вэ гэж асуув.
Залууд тусалсан тул Самари хүн хөрш нь гэж удирдагч хариулав. Еврей удирдагчийг Самари хүн шиг бай хэмээн Есүс хэлэв.