Гурав дахь сургаалт зүйрлэл
Төөрөлдсөн хүү
Нэг хүн хоёр хүүтэй байжээ. Насан өөд болохоороо бүх өв хөрөнгөө тэдэндээ өгнө хэмээн амлажээ. Бага хүү нь хүлээхийг хүссэнгүй. Тэрээр эцгээсээ өөрт оногдох хувийг авахыг хүсэв. Түүний эцэг нь хүссэнийг нь өгчээ.
Хүү мөнгөө аваад гэрээсээ явлаа. Тэр өөр газарт очив. Хүү олон удаа гэм нүгэл хийж байв. Тэрээр бүх мөнгөө үрж дуусгажээ.
Эцэст нь хүүд хоол хүнс авах ч мөнгө үлдсэнгүй. Тэр маш их өлсөж байлаа. Тэр нэг хүнээс тусламж гуйлаа. Тэр хүн хүүг гахай хооллох ажилд авав.
Хүү маш их өлсөж байсан учир гахайны тэжээлийг ч идмээр болсон байв. Аавынх нь гэрийн боолууд ч түүний идэж байгаагаас илүүг идэж байгаа гэдгийг тэр санав.
Тэрээр наманчлахаар шийдэж, эцгийнхээ гэрт боол болъё гэж гуйхаар шийдэв. Хүү гэр уруугаа явав. Түүний ирж байгааг эцэг нь харав.
Эцэг нь хүүгээ тосон өөдөөс нь гүйлээ. Тэрээр алгаа тосон хүүгээ тэврэн авч үнсэв.
Хүү их нүгэл хийсэн гэдгээ хэлэв. Эцгийнхээ хүү нь хэмээн дуудагдах ч эрхгүй гэж бодож байгаагаа хэлэв.
Эцэг нь боолуудаа хүүдээ өмсүүлэх сайн хувцас авчир гэжээ. Боол хүүгийн хөлд гутал өмсүүлж, хуруунд нь бөгж зүүлгэв.
Эцэг нь боолуудаа найрын ширээ бэлд гэж хэлэв. Тэрээр бүгдтэй хамт хамт баярыг нь тэмдэглээсэй гэж хүсчээ. Хүү нь гэм нүгэл үйлдсэн боловч наманчилж, гэртээ эргэн иржээ.
Том хүү нь талбай дээр ажиллаж байлаа. Гэртээ ирээд тэрээр дуу хөгжим болж, бүжиглэж буй хүмүүсийг харав. Нэг боол түүнд дүү нь гэртээ эргэн ирсэн тухай хэлэв. Тиймээс түүний эцэг энэ баярыг хүн бүхэнтэй тэмдэглэхийг хүсчээ.
Ууган хүү нь уурласан тул гэртээ ч орсонгүй. Эцэг нь хүүтэйгээ ярилцахаар гарч ирэв.
Эцэг нь үргэлж хамт байсан ууган хүүдээ талархалтай байдаг байв. Эцэгт нь байгаа бүхэн түүнийх билээ. Баяр тэмдэглэх нь зөв зүйл гээд отгон хүү нь наманчилж, гэртээ эргэн ирсэнд тэр их баяртай байна гэлээ.
Есүс Тэнгэрлэг Эцэг хүн бүрийг ямар их хайрладаг болохыг Фарисайчуудыг мэдэж аваасай хэмээн энэ гурван түүхийг ярьж өгөв. Түүнийг дуулгавартай дагадаг хүмүүсийг Тэнгэрлэг Эцэг хайрладаг билээ. Тэр нүгэлтэй хүмүүст ч хайртай боловч нүглээ наманчлах хүртэл нь адисалж чаддаггүй юм. Тэрээр нүгэлтэй хүмүүсийг наманчилж Түүнд эргэн ирэхийг хүсдэг. Мөн Тэр биднийг ч тэдэнд наманчлахад нь тусалж, тэднийг эргэн ирэхэд нь хамт баярлаасай хэмээн хүсдэг.