Бүлэг 55
Төлөөлөгчид Сүмийг удирдсан нь
Бүх хүмүүст сайн мэдээг заа гэж Тэр тэдэнд хэлэв. Тэр тэднийг удахгүй орхин явна гэв. Харин Ариун Сүнс тэдэнд туслахаар ирнэ гэж хэлэв.
Төлөөлөгчид Есүсийг тэнгэр өөд гарч одохыг харав. Цагаан хувцастай хоёр тэнгэр элч ирсэн байв. Тэд Төлөөлөгчдөд Есүс хэзээ нэгэн өдөр тэнгэрээс эргэж ирнэ гэж хэлэв.
Одоо Төлөөлөгчид газар дэлхий дээрх Есүс Христийн Сүмийн удирдагчид болов. Петр Ерөнхийлөгч, Иаков, Иохан хоёр түүний зөвлөхүүд байв.
Матай 16:18–19; Сургаал ба Гэрээ 81:1–2; Есүс бол Христ, 219–20
Гэвч зөвхөн Арваннэгэн Төлөөлөгч байлаа. Иудас нас барсан байв. Арванхоёр Төлөөлөгчийн нэг болгохоор Маттиаг сонгохыг Тэнгэрлэг Эцэг Төлөөлөгчдөд хэлэв. Бүх Төлөөлөгчид санваарын онцгой дуудлагатай байв.
Төлөөлөгчид болон бусад шавь нар нь Их Эзэнд итгэх итгэлтэй байв. Тэд Түүний зарлигуудыг дагадаг байв. Тэд бие биенээ хайрладаг байсан.
Санваар болоод Ариун Сүнсний хүчээр Төлөөлөгчид олон зүйлийг хийж чадна. Тэд өвчтэйг эдгээж мөн сайн мэдээг түгээдэг номлогчид байв. Тэд Есүс Христ болон Түүний сайн мэдээг хүмүүст заасан. Олон хүмүүс Төлөөлөгчдийн үгсэд итгэж Сүмд нэгдсэн билээ. Сүмийн гишүүдийг Гэгээнтнүүд гэж нэрлэдэг байв.