Бүлэг 5
Есүс Христ мэндэллээ
Бетлехем уруу явах нь Мариагийн хувьд маш хэцүү байв. Түүний хүүхэд нь удахгүй төрөх гэж байлаа.
Иосеф Мариа хоёрыг Бетлехемд ирэхэд бүх өрөөнүүд хүмүүсээр дүүрсэн байв. Мариа Иосеф хоёр малын хашаанд байрлахаас өөр аргагүй болжээ. Малын хашаа гэдэг нь мал амьтдыг байрлуулдаг газрыг хэлдэг.
Тэнд хүүхэд нь төржээ. Мариа Есүсийг даавуунд ороогоод малын тэвшин дотор тавилаа. Иосеф Мариа хоёр хүүхдээ Есүс хэмээн нэрлэжээ.
Есүсийг мэндэлсэн шөнө, Бетлехемийн ойролцоо хоньчид хонио манаж байжээ. Тэнгэр элч тэдэн дээр ирэв. Хоньчид айн балмагдсан байв.
Бүү ай гэж тэнгэр элч тэдэнд хэллээ. Аврагч, Есүс Христ Бетлехемд мэндэлснийг хэлэх гайхалтай мэдээ түүнд байлаа. Малын тэвшинд Тэр унтаж байгаа гэв.
Бетлехем уруу явж бяцхан Есүсийг тэд харав.
Аврагчийг харсандаа хоньчид ихэд баяртай байлаа. Сонсож, үзсэн зүйлийнхээ талаар тэд хүмүүст хэлэв.