Бүлэг 50
Сүүлчийн зоогийн үеэр заасан сургамжууд
Хэрэв Төлөөлөгчид Түүнийг хайрладаг бол Түүний зарлигуудыг дагана гэж Тэр хэлэв. Тэр тэдэнд Ариун Сүнсний бэлэг өгнө гэж амлав. Ариун Сүнс тэдний мэдэх хэрэгтэй бүхий л зүйлсийг заах болно. Ариун Сүнс Төлөөлөгчдөд Есүсийн заасан зүйлсийг санахад нь тусална.
Тэр өөрөө яг усан үзмийн модтой адил гэж Есүс хэлэв. Түүний шавь нар нь усан үзмийн модны мөчир мэт гэв. Усан үзмийн модноос бат бөх салаалсан мөчир л сайн үр жимс ургуулж чадна.
Хэрэв тэд сайн мэдээний дагуу амьдарвал тэдний үр жимс болох ажил хэрэг ч сайн байх болно гэдгийг Есүс төлөөлөгч нартаа амлав. Хэрэв тэд Түүнийг дагахгүй бол модноосоо таслагдан хаягдсан мөчир мэт буюу.
Төлөөлөгч нараа нэгдмэл байгаасай гэж Есүс Христ залбирав. Есүс тэднийг Өөрт нь итгэх хэрэгтэйг мөн Тэнгэрлэг Эцэг тэдэнд хайртай гэдгийг хүмүүст заахыг хүсэж байв.
Тэгээд Есүс болон Төлөөлөгч нар дуулал дуулсны дараагаар өрөөнөөс гарлаа.