Бүлэг 54
Есүс амилсан нь
Магдалын Мариа гэдэг эмэгтэй бунханд ирэв. Есүс түүнийг эдгээж байжээ. Чулууг зайлуулсан байхыг хараад тэр маш их гайхаж байв. Есүсийн бие бунханд байсангүй.
Тэр хэн нэгэн Аврагчийн биеийг авсан байхыг Петр, Иохан нарт хэлэхээр яаран гүйлээ. Бие нь хаана байгааг тэр мэдэхгүй байлаа.
Петр, Иохан хоёр ч бунхан уруу гүйн очлоо. Тэд Есүсийн биеийг ороосон даавууг олсон боловч Есүсийн бие нь тэнд байсангүй. Петр, Иохан хоёр юу хийхээ мэдэхгүй байлаа. Тэд гэр уруугаа явав.
Магдалын Мариа бунханы дэргэд үлдээд уйлж байлаа. Тэрээр бунхан уруу дахин хартал хоёр тэнгэр элч байхыг олж харав.
Тэд Мэри Магдалын Мариаг яагаад уйлж буйг нь асуулаа. Тэр хэн нэгэн хүн Есүсийн биеийг аваад явсан байна гэж хариулав. Тэгээд хаана байгааг нь мэдэхгүй байна гэв.
Тэр эргээд хартал хэн нэгэн зогсож байлаа. Тэр Түүнийг цэцэрлэгч байна гэж бодов. Тэр эмэгтэйг яагаад уйлж байгааг нь асуув. Мариа Түүнээс Есүсийн бие хаана байгааг нь асуув.
Тэгтэл эрэгтэй “Мариа” гэж дуудахад нь л энэ бол Есүс байсныг тэр мэдэв. Төлөөлөгчдөд Тэр амилсан тухай хэлэхийг Есүс түүнээс хүслээ.
Магдалын Мариа болон өөр хэсэг эмэгтэйчүүд Есүс амилсан гэдгийг Төлөөлөгчдөд очиж хэлэв. Эхэндээ Төлөөлөгчид тэдэнд итгэсэнгүй.
Дараахан нь Төлөөлөгчид бие биетэйгээ ярилцаж байх зуур Есүс өрөөнд орж ирлээ. Төлөөлөгчид айсан байлаа. Тэд Түүнийг нас барсан гэж бодсоор л байлаа.
Гар хөлөнд нь хүрч үзэхийг Аврагч тэдэнд хэлэв. Тэр амилжээ—Түүний бие, сүнс хоёр эргэн нэгдсэн байв.
Төлөөлөгчид Түүнийг харсандаа маш их баяртай байлаа. Тэр тэднээс идэх юм асуулаа. Тэд Түүнд загас, зөгийн бал өгөв. Тэр үүнийг нь идэв.
Есүс Христ бол хамгийн анхны дахин амилсан хүн байв. Есүсийн дараа бусад олон хүмүүс дахин амилсныг Иерусалимын олон хүн харжээ. Есүс “Би бол амилуулалт мөн амьдрал мөн” гэж хэлсэн юм. Тэр үхлийг ялан дийлсэн учраас бид ч гэсэн нэгэн өдөр бүгд амилуулагдах болно.