Tuhkweni in Ma Sefanna ke Ma Nuhkwewa in Kraist
Kuh ke wosasuc luhn Mwet Lahngo in ekuhllah ac ahkinsewowoye kuht uh tuhkuh ke akihlen ac orekmakihnyacn kuhpahsr se ke mwe luti, ip yohk, ac oruh kac uh.
Sucl uh sie mwe orekma suc kuht nohfohn etuh kac. Sucl uh oreklac ke ah in fabric se, sahk soko, weah se, kuh oasr pac kuhtuh ma sahyac ma pihnyucklac in sang oraclah atacn sucl soko. Wo in etuh, oasr kuhtuh pac ma sahyac kuh in otweyucklac in sang oraclah sie ma fokoko. Ohinge, in kapsra ac toeniyac oacna sie ma kuh in oraclah sie kuhfwen ma na fokoko.
Oacna ke sucl soko eis kuh la ke kais soko ah puhkantwen, oacna ke wosasuc luhn Jisus Kraist suc fahkwack ke ma pwacye ac sang mwe kahsruhp ke kuht lohng ke sramsram lal Paul in “tuhkweni nuh sie ke Ma Nuhkwewa In Kraist, kwewana ma inkuhsrao, ac ma fin facluh; finne el.”1 Yohksrihpac emet, ma na enenuh se pa orekweni luhn ma pwacye se inge pa infulwen ac in lohacng nuh sin Leum Jisus Kraist mweyen El pa “inkacnek, pwacye, ac moul uh.”2
Nga pruhe tuh Nguhn Muhtahl in kahsrwekuht kais sie ke kuht motko lah fuhkah tuh ip yohk ke tuhkweni nuh sie ke ma nuhkwewa in Kraist uh kahsrwekuht ke kuht lutlutkihn ac moulkihn fohlohkihnyuckyak luhn wosasuc Lal ke moul lasr uh.
Pacl in Fwackyuck
Kuht oasr ke pacl na akihlenyuck ac fwackyuck se ke fohlohkihnyuckyak luhn Alu luhn Jisus Kraist. Nahweyuck mahtuh fwackyuck mihsenge uh oasr srihpac se fanna la: in ahkfokokoye luhlahlfongi la ke Pahpah Lucng ac plwacn Lal ac ke Wen nahtuhl Jisus Kraist ac ke Iwaclah Lal. Pacl in toeni ke Sacnri tiac ahkfototoyeyucklac muhkwena. Tuhsruhktuh, oasr ma wo kuht kuh in oruh in ahkyohkye ac ahkfalye pacl mwesahs ac kunohkohn lasr ke kais sie ac suc in orekmakihn pacl lasr in ahkyohkye Lwen Sahpuht ke ohiyacn engan ke lohm ac alu an.
Ke Eprel ah, u ke pristut tiacna eklac. Sahyacn na, ituckyang kahsruh in ahkkweye nuh sin tamuhlwel ac tahmtahel nuh sin ma wiyacsr.
Pihkraklac luhn sucl soko inge oraclah sie kuhfwen mwe orekma na fokoko se, ma se oreklac inge ke ohiyac se, ma se, ac orekma ke fohlohkihnnyuckyak luhn Alu luhn Leum ac misin la an: in kahsruh God ke orekma Lal in tahfwelah molwelah ac engan ma pahtpaht nuh sin tuhlihk Nahtuhl. Nuhnak muhnahs tiac lohacng nuh kac lah suc ac tahfwelah ma fwackyuck uh. Kuht enenuh in tiac lwelah kuhtwena ma srihkihn nguhnin ahkkoluk ac srihpac tiac pwacye luhn nguhn luhn ma sasuc inge.
Kena lasr ke luhlahlfongi ke Plwacn Lal Pahpah ac ke misin in molwelah luhn Mwet Lahngo ac yohkyohkwelihk fin facluh ac olwelah kawihl luhn God ac akwucki.3 Finsrak se lasr uh pa in ahkfihsrwacsrye sramsram lasr nuh sin Leum ac luhngse yohk liki na ac kuhlwacnsap upac liki met ah nuh sin tamuhlwel ac tahmtahel wiyacsr.
Kihtaclihk ac Orwaclihk
Kuhtuh pacl kuht mempucr ke Alu uh kuht kihtaclihk, orwaclihk, ac moulkihn wosasuc uh nuh ke moul lasr uh ke kuht oraclah puhslaclac ma in lutlut kac ac ma srihsrihk in ahkfahsryelah uh. Tuhsruhktuh kain mukwikwi se inge sahp kuh in kosrwaclah kahlwem ac etuh lasr uh. Kuht enenuh in taran mweyen lohacng luhn sie pharisee nuh ke ma inge pwenkuhtlac leswaclihk liki Leum.
Srihpac ac ahknwacsnwacs, engan ac pwacr, ac kalweniyuck luhn eklac ac karihngihnyuck ma tuhkuh ke srihpen “sang [insiacsr] nuh sin God”4 ac [eis] ke luhmahl nuh ke lomowos”5 tiac kuh in oreklac ke kuht oruh muhkwena orekma luhn nguhn ma kuht enenuh in oruh uh. Tuhsruhk, kuh luhn wosasuc luhn Leum in ekuhllah ac ahkinsewowoyekuht uh uhkuh ke kuht akihlen ac moul kihn mwe lutlut, ip yohk kac ac orekmakihn uh. Pa na ke kuht tuhkweni nuh sie in ma sefanna ke ma nuhkwewa in Kraist, ke sie lohacng na kuh nuh Sel, na fah ma pwacye ke wosasuc oruh kuht in kuh in eklac nuh ke ma God El kena kuht in eklac nuh kac6 ac kampare ke puhlaik nuh ke sahflah.7
Lutlut ac Kapsra Ma Pwacye ke Wosasuc
Wosasuc luhn Jisus Kraist el oacna sie petsac ke ma pwacye “nahweyucklac ke frame se”8 ac otwotlac nuh ke ma se. Ke kuht luti ac oracni ma pwacye ke wosasuc, kuht ahkinsewowoyeyuck in eis mwe liye na sacohk ac ahkyohkye nguhn ac muhta suc kuh in liye ma Leum el ahkfahsrye nuh ke moul lasr ac in lohng ke Puhsrwacl.9 Ac ip yohk ke tuhkweni nuh sie in ma sefanna—finne nuh Kacl—kuh in kahsrwekuht kuht in ma fohnlah se. Lwelah nga in usot kwewana ke mwe luti ac srihkasrak ke Alu uh ma nga kuh in fahk kac.
Srihkasrak 1. Article of faith se ahk ahkosr pa srihkasrak se ma yohk emet in tuhkweni nuh sie in ma sefanna in Kraist: “Kuht luhlahlfongi lah ip yohk se ac olwelah ke wosasuc pa: ma se met, Luhlahlfongi ke Leum Jisus Kraist; ahkluo, Auliyak; ahk tolu, Pacptais ke tihli otyak ke ma koluk la; ahk ahkosr, Fihliyac paho in sang ke Nguhn Muhtahl.”10
Luhlahlfongi pwacye se el lohacng yohk ke Leum Jisus Kraist- El wen sacohk ac Wen Kuloh Sacohk se nuhtihn Pahpah ac Kacl ke misin se suc ahkpwacyeiyeyucklac. “Tuh el topuk ke masap sahflah sac, ac el fahk lah elos nuhkwewa suc luhlahlfongi el; ac elos suc oasr luhlahlfongi la ac puhlakihn ma wo; el karuhnguhnwacng ke srihpen tuhlihk nuhtin mwet.”11 Ahkkweye luhlahlfongi la ke Kraist el luhlahlfongi se ac sang nuhnkwacsr nuh Sel ke el Mwet Lahngo lasr, ke Inel, ac ke olwelah Lal.
Ma se kuht ac oruh emet ke kuht ekihn luhlahlfongi Mwet Lahngo pa kuht auliyak ac forlah liki ma koluk. Ke kuht ahkkweye luhlahlfongi lasr nuh sin Leum, kuht fahsr lac nuh met, forlah, ac epacl nuh Sel. Ohinge, auliyak el luhlahlfongi ac epaclac nuh sin Mwet Lahngo lasr in oruh ma kuht tiac kuh in sifacna oruh. Kais sie sesr enenuh in “[sang nohfohn] nuh ke ohiyac Lal suc kuhlacna in molwelah”12 mweyen “ke ohiyac ac pahkotwen, ac kuhlwacng luhn Messiah Muhtahl”13 kuht kuh in eklac sie moul sasuc in Kraist14 ac sahflahiyac fohlohk nuh yurin God.
Akwuck ke pacptais in tihli otyak in elah ma koluk uh enenuh in oasr luhlahlfongi lasr in El, epacl nuh Sel, ac fahsr Tohkohl. Nephi el ahkkahlwemye, “Nga etuh lah kowos fin fahsr tukun Wen, insiom nohfohn, tiac kikiacp ye muhtuhn God, tuhsruhk ke inse pwacye, auliyak ke ma koluk la, mwet loh se nuh sin Pahpah lah kom luhngse in eis inel Jisus Kraist nuh in kom, ke pacptais- ahok, ke kom ukwe Leum ac Mwet Lahngo lom nuh ke infacl ah, oacna nuh ke kahs lal, liye, tuh kom fah eis Nguhn Muhtahl; ahok, tuhkuh sie e ac Nguhn Muhtahl.”15
Akwuck ke fihliyac paho el mwe sang se ke Nguhn Muhtahl suc enenuh kuht in luhlahlfongi Kacl, epacl nuh Sel, ac fahsr Tohkohl, ac fahsr na nuh met Kacl ke kahsruh luhn Nguhn Muhtahl. Oacna ke Nephi el ahkkahlwemye, “Ac inge … Nga etuh lah ke ma se inge lah fin sie mwet tiac muhtweng ne ke sahflah, ke mwe srihkasrak luhn Wen nuhtin Pahpah Lucng, el tiac kuh in moullac.”16
Ip yohk ahk ahkosr el tiacna ahkuhtweyac muhkwena ke ip yohk ac akwuck ma fohlohkihnyuckyak ke wosasuc. Sahyacna, mwe fahk se ke luhlahlfongi se inge tuhkweni nuh sie ke ma sefanna in Kraist: luhlahlfongi kac ac nuh Sel, epacl nuh Sel,fahsr Tohkohl, ac fahsr na nuh met Weluhl—finne in oacna El.
Srihkasrak 2. Nga ke fahk ahkuhtweyac lah fuhkah kais sie u ke Alu uh tuhkweni nuh sie in ma sefanna in Kraist. Kuh in ahkuhtweyucki ke kain in ma pucspucs; tuh nga orekmakihn kuhtuh na.
Ke 1978 ah, Prestuhn Spencer W. Kimball el ahkuhtweyac nuh sin Mempucr ke Alu uh in muhsaheack sie Zion nuh fin facluh. El ahkkweye Mwet Luhlahlfongi in muhta na ke acn selos ac oakiyac stake fokoko ke elos ac tuhkweni orwacni sucu luhn God ac lotwelos inkacnek luhn Leum. El sifilpac ahkuhtweyac ke tempuhl ma ac muhsahiyuckyak ac uliyuck mwe insewowo nuh sin mwet luhlahlfongi ke yen nuhkwewa elos ac muhta kac fin facluh.17
Ke mempucr ke stake uh puhsweni, ahkkweyeyuck luhn kais sie lohm sin mempucr in ‘eklac [acn] ma sucu ma mempucr luhngse in oasr we, ma elos kuh in ahkwoye moul lalos ac konwacack luhngse wowo, tahpuhk, srui,ac kwacfeyuck.”18 Ma sikyak uh, ke yac 1980, miting ke Sacnri uh kitakatwelihk nuh ke ao tolu se in “luti ke ip kunac sifacna in lotwelah ac, moul, ac luti wosasuc uh.”19 Sulpac ahkuhtweyac ke sucu ac lohm uh tuh ahkweyeyuck ke “Sucu, Sie Mwe Fahkwack Nuh Fin Facluh” tuh fwackyak sel Prestuhn Gordon B. Hinckley ke 1995 ah.20
Ke Eprel 1998 ah, Prestuhn Hinckley el fahkwack muhsahiyuck luhn tempuhl srihsrihk uh, use akwuck muhtahl nuh ke Lohm sin Leum fototoi nuh ke kais sie Mwet Luhlahlfongi fin facluh nohfohn.21 Ac yohkwaclihk luhn pacl wowo in kapwack ac muhsahiyuckyak uh tuh ahkwoyeyuck ke yohkwaclihk luhn kuh in sifacna ke moul in ikoac ke orekmkihnyacn Perpetual Education Fund uh ke 2001 ah.22
Ke karihngihnyuck lal, Prestuhn Thomas S. Monson el sifilpac ahkkweye Mwet Luhlahlfongi in “kahsruh” ac ahkyohkye lohacng la nuh ke mwet suhkahsruhp ac enenuh suc sie pa inge ma kunacn alu uh. Kalweni na in kahsruh ahkuhtweyac ke ahkolah ke moul in ikoac, Self-Reliance Service sramtweyuckyak ke 2012.
Ke yac ekahsr somlah ah, ip yohk srihpac ke in oruh lwen Sabbath in muhtahl ke lohm ah ac ke alu uh tuh ahkuhtweyucki ac taranyuck,23 ohinge kahsre kuht in ahkolah nuh ke nahweyuck ke pacl in tuhkweni ke lwen Sacnri ma fwack ke tuhkweni luhn toeni luhlahp se inge.
Ac mahlwem ohnkohsr somlah ah, Melchizedek Pristut ahkkweyeyucklac ac weacng u srihsrihk in ahksahfyelah sie kahsruh ah.
Nga luhlahlfongi lah ke ma nuhkwewa ma srihkeyuck in orek ke yac pucspucs inge ac kahsre kuht in liye sie tuhkweni orekma ac kuh in akihlenyuck uh a in tiac ma sifacna orek se ac sriyuckwelihk. “God el ahkpwacyeiyelah atac ke nguhn in sang kahsruh kais sie ac sucu ke akwuck uh, lutlut, ac programs, ac activities ma nuhnkuh ke lohm ac kahsreyuck sin Alu uh U srihsrihk ac toeni luhn alu uh oasr in ahkinsewowoye sucu uh ac tiac ke ma la sifacna.”24
Nga pruhe tuh kuht in akihlen orekma luhn Leum oacna sie orekma luhn facluh nohfohn ma ac kapwack in kahsruh yohk ke sucu ac ahkinsewowoye Alu uh. Nga etuh ac fahkwack lah Leum el ahkpwacyeiye ac fah ahkkahlwemye tok ma yohk ac yohk srihpac ke Tohkohsrahi luhn God uh.25
Olwelah ac Luhlahlfongi
Nga muhtwacwacack mwe fahk luhk uh ke akihlen kuh suc oreklac ke kais sie kuhfwen mwe orekma suc ac pihraklac in sang oraclah soko sucl. Ke sie inkacnek ah pac, nga olwelah ke ma ahkyohkye mwe liye, srihpac, ac kuh suc ahkkahlwemyeyuck in luti ac moulkihn wosasuc fohlohkyak luhn Jisus Kraist ke kuht shrike in tuhkweni nuh sie in ma sefanna in Kraist uh—finne ke El.
Ma nuhkwewa ac mwe insewowo ke ma yohk srihpac nuh sesr ma pahtpaht, kuh ac oasr srihpac ke srihpen Kraist, ac muhtwacnglah kacl Leum Jisus Kraist. Ke Alma el fahkwack: “Wacngihn sie inkacnek sahyac ma sie mwet kuh in moullac, sahyacn na kacl Kraist. Liye, el pa moul ac kahlwem luhn fwacluh.26
Nga engan in fahkwack loh luhk ke ma pwacye kacl Pahpah Ma Pahtpaht ac ke Wen Sacohk Nahtuhl, Jisus Kraist. Ke Leum lasr, kuht konwacack engan. Ac Kacl kuht konwacack “mihs fin facluh se, ac moul ma pahtpaht ke facluh se ma ac tuhkuh.”27 Nga fahkwack ke ine muhtahl luhn Leum Jisus Kraist, amen.