Campfire Lasr luhn Luhlahlfongi

Nuh suwos tamuhlwel ac tahmtahel, kuh tiac wolacna in eis fwackyuck inkuhsrao me sel Prestuhn Russell M. Nelson ac mwet kol ke Alu uh lah elos suli kuht in moul kihn moul sasuc ac muhtahl,¹ke lohm sesr ah ac ke alu ac, ke insiyacsr kwe, nuhnak, ac kuh nuh kwewa?

Kom nuh oruh ma se suc kom puhla muh kom tiac ahkolah kuh suhfal nuh kac tuhsruhk insewowo ke srihke uh?

Nga pa. Oasr inge sie Srihkasrak.

Kuhtuh yac somlah ah, Elder Richard G. Scott, sie mempucr ke U luhn Mwet Sap Singucul Luo, el solsol ke kuhlwacng, “Gerrit, kom luhngse wiyuc sroal ke mwe sroal tuhn kof uh?”

Elder Scott el fahk lah sral uh kahsrel etwaclah ac kuh in oraclah. El suhmuhslah: “Suk in etwaclah in sifacna oruh ma uh, finne ma kahlwem kac uh tiac wo. … Sifacna nuhnkweack in oruh ma kuh in ahkkeye puhla in kulohkihn moul ac ke talan Leum el usot nuh sum uh. … Fin kom sulaclah in wo, ac tiac ahkkolukyekom ke pacl puhs.”²

Prestuhn Henry B. Eyring el ahkuhtweyac sroal se lal ma el sifacna motkwelah oacna ke mokleyuck “ke puhla luhn luhngse,” oacyacpac “luhngse luhn sie Mwet Oraclah ma sano tuhlihk Nahtuhl in eklac oacna El—in oruh ac in muhsaheack.”³ Prestuhn Eyring oreklac muh “pa mwe srihkasrak, ip luhn nguhn ma tiac liyeyuck ke fahkwack ke luhlahlfongi ac ke luhlahlfongi uh.”⁴

Sral lal Prestuhn Boyd K. Packer oreklac ke sie pweng ke muhtwacwacyacn wosasuc: “God el mwet oraclah kuhsrao ac facluh ac ma nuhkwewa kac, lah ma nuhkwewa facluh fahkwack ke kolyuck ke oraclah ingacn ma tuhkuh sin God uh, na lah oasr kuhpahsr luhn ma oreklac facluh, ma moul facluh ac wosasuc luhn Jisus Kraist uh.”⁵

Alma el fahkwack, “Ac ma inge kwewa fahk lah oasr sie God.”⁶ U luhn tuhlihk srihsrihk nahtuhsr on, “Ke pacl nga lohng on luhn sie won kuh liye folfol, kuhsrao folfol, … Nga engan lah nga moul ke facluh na oaskuh se Pahpah Lucng el oraclah nuh sihk inge.”⁷ Mwet sihm Victor Hugo el ahkuhtweyac ke “usrnguckiacn kuhpahsr ke mwet ac ma orahkrahk ac ma; nuhkwewa kefacluh na fohn se inge, ke faht ah nuh ke ma orahkrahk srihsrihk uh, … Won nus kwewa ma kuh in sohksohk uh oasr ip la sifacna sin God. … Nebula el sie tohktohk oreklac ke itu.”⁸

Ac fahk sacn sulpac kolkuht nuh sel Elder Richard G. Scott ke solsol lal.

“Elder Scott,” Nga topuk, “Nga luhngse ngan suhmaht kuhtanglah ke oraclah sie ma. Nga engan ke pacl nga nuhnkuh ke Pahpah Inkuhsrao el sroal inkuhsrao ac ke tuhn nuhkwewa inkuhsrao ac kof uh. Tuhsruhk”—nga tui in nuhnkuh—“Elder Scott,” nga fahk, “Wacngihn etuh luhk ke sroal ke mwe sroal tuhn sroksrok uh. Nga elyah kac muh ac oruh upac nuh sum in srihke ac lutiyuc.”

Elder Scott el isracsr ac sackuhnlah pacl lasr kuht in ohsun. Ke pacl in ohsun ke len sac, el ahkolah pwepuh, mwe sroal, ac puhras. El srolwaclah kuhtuh srihsrihk ac kahsrweyuc sroloaclah pepuh sac.

Kuht orekmakihn tuh in sie mwe srihkasrak pa sifac wolacna ke mwe sroal tuhn kof uh Campfire ke faht ah tili. Ke kuht sroacl ah, kuht sramsramkihn luhlahlfongi—fuhkah ke kuht liye kahlwem ac fucsrfucsr ke campfire uh, kuht tui in elyah ke lohsr ac ma tiac wo sikyak nuh sesr—fuhkah, ke kuhtuh pacl uh loes, mihs ke ekwelac, campfire lasr ke luhlahlfongi uh kuh in use finsrak ac ahkkuh. Ac takwack luhn faht uh tuhkuh. Campfire luhn luhlahlfongi lasr—mwe esam lasr, ma kuht lotwelah, ac ma somlah ke luhlahlfongi ke wolacna luhn God ac pahkotwen ac luhngse kaul ke moul lasr uh—suc ahkkweyekuht ke pacl upac nuh sesr uh.

Fahkwack luhlahlfongi luhk pa—nuh suwos suc liye, liye in sikyak, orekma in kuhtanglah, ke muhtwacwacyan luhlahlfongi ac tui luhn mwe sruhf uh, kuhtuh pacl uh kais kuhtuh na, ac tuhkuh kuh in fohlohk. Kahlwem sac ac tuhkuh, pacl kuht ke ac suk uh, ke kuht puhsisacl ac ahkos masap luhn God uh, ke kuht ahkolah in eis kuhlwacng, unweyuck, ac olwelah luhn God.

Ke kuht muhtwacwacack in sroal, Elder Scott el ahkkweyeyuc, “Gerrit, finne tukun lesin se na kom ac sroloaclah sie ma ma kom luhngse sruokyac ac esam.” Elder Scott el Pwacye. Nga arulacna luhngse sroal se ke campfire ke luhlahlfongi ma tuhn kof sac ma Elder Scott el kahsreyuc sroloaclah ah. Etuh luhk ke sroal ah ac fahlac na tiac fal, tuhsruhk tuh nga esam campfire luhn luhlahlfongi uh lah kuh in ahkkweye kuht ke atac lihmekohsr.

Ma se met, campfire lasr luhn luhlahlfongi uh kuh in ahkkweyekuht in sokack engan ke kain in atac nuh kwewa.

Oasr engan ke nuhnak, luti, oruh wowo uh. Ma inge kwewa pwacye ke kuht ahkkweye luhlahlfongi ac ke luhlahlfongi lasr sin Pahpah Tuhmasr Inkuhsrao ac Wen nahtuhl, Jisus Kraist. Kuht tiac kuh in falkihn in luhngse kuht sifacna in molikuhtlac sifacna. Tuhsruhk Pahpah Inkuhsrao El luhngse kuht yohk ac etwekuht wo liki kuht luhngse kuh etwekuht sifacna uh. Kuht kuh in luhlahlfongi Leum ac tiac luhlahlfongi etuh lasr sifacna.⁹

Nuh oasr pacl se kom muhkwena tiac suliyuck nuh ke toeni in mongo ke puhte se?

Nuh oasr pacl kom suleyucklac e tok, kuh tiac sollac, ke u in sritacl uh suleyuck uh?

Kom nuh ahkolah nuh ke sie tes, nuh ke kihsensiyuck ke orekma, pacl wo se ma kom arulacna luhngse—ac kom puhla muh kom tena oraclah?

Kom nuh pruhe ke toeni lom nuh sin mwet se ma, lah mac srihpac an, tuh tiacna fahlac wo?

Kom nuh puhlakihn ongaiyac luhlahp, ahklahlfoniyuck sin muhtwacn kuh mukul tomom, ahkkolukyelah sucu lom an?

Mwet lahngo lasr El etuh elyah lasr uh. Ke kuht orekmakihn sukohsohk in sulaclah sin God ac orekmakihn kuhiyacsr nohfohn ke puhsisacl ac luhlahlfongi, Mwet Lango lasr, Jisus Kraist, El kuh in kahsrekuht ke ma upac fin fwacluh ac engan. Luhlahlfongi weacng finsrak ac sulaclah in luhlahlfongi. Luhlahlfongi oacyacpac tuhkuh ke ahkos masap luhn God uh, suc utuckuh in ahkinsewowoye kuht, ke kuht olwelah in uke innek Lal.

Ke kuht tuh puhla, kuh puhla, fohsack, sifacna, upac nuh se, ahngyahng, tahfonglac sin sie, suhpwacrlac, kuh fahsr liki God ac ke fohlohkyak luhn Alu uh, ac muh eslah kuhtuhsrihk luhpan kuh ac luhlahlfongi in sifil fohlohkyang nuh ke inek in olwelah Lal. Tuhsruhk yohk srihpac! Nuhnak muhnahs tuhkuh, kuh sifilpac tuhkuh, nuh yurin Leum Jisus Kraist! Luhngse luhn God yohk liki na mwe kapihr luhn misac—ke ip luhn mahno kuh nguhn.¹⁰Iwaclah luhn Mwet Lahngo lasr pa ma lasr ac nuh tok ma pahtpaht. Kais sie sesr ahlohloh ac puhtatlac. Kuht ac muh, ke sie pacl, tiac uke masap luhn God. God el fahk nuh sesr, tiac elyah lah kuht piyac kuh meac kuht oraclah, Kuht kuh in pacl nuh kwewa fohlohk nuh yohrohl. El tuhpan ac ahkolah in eis kuht.¹¹

Ahk luo, campfire lasr luhn luhlahlfongi kuh in ahkkweyekuht in kuhlwacnsap ke atac sasuc, fuhlwact ac muhtahl nwacnwaclah ke nguhn.

Kuhlwacnsap ohinge use ma usrnguck ac mwe insewowo lah kuht ma se fanna kewuhlweacng —suc kuht puhla luhngse luhn God ac suk in kahsruh mwet sahyac ke nguhn.

Tiac loes ah, Sister Gong ac nga eis nuhnak lasr ke sie pahpah ac sucu suc ahkinsewowoyeyuck sin sie tamuhlwel oaru ke kuh luhn God suc tuhkuh nuh yurin pisap lal ac siyuck fin el (tamuhlwel sruok pristut sac) kuh in oruh luti in sucu wi pahpah sac. Pahpah sac suhkwac alu ac tiac luhngse wi luti in sucu. Tuhsruhk, ke insiacn pahpah sac eklac, el ac pristut se wiacl ahmuhtwacwacack muhtwacta in “kahsruh” sucu lalos ah. Tukun muhtwacta inge, muhtwacn kiacl—el sifacna tiac wi alu—siyuck sin mukul tuhmwacl lah fuhkah ma nuhkwewa somlah. Pahpah sac fahk, “nga puhla ma se”—el oruh ma tiac fal se ke srihpen el puhlahack nguhnmuhtahl.¹²

Tuhsruhk kais sie tuhkuh nuh sel: puhlakihnyuck luhn luhngse, kuhlwacsap in kairihngihn, eklac luhn insiac, tempuhl kuhlahs, wi alu, sil ekihn sucu ke tempuhl muhtahl. Nuhnkuh lah fuhkah srui luhn tuhlihk ac tuhlihk nuhtin tuhlihk uh nuh sin pahpah ac ninac uh, ac nuh sin tamuhlwel in karihngihn sac suc tuhkuh ekihn kawuck ac toeni wi pahpah sac in luhngse ac karihngihn mwet shayac uh.

Campfire luhn luhlahlfongi ahktolu ahkkweye: oreklac luhn engan ac insewowo ke wosasuc uh tuhkuh ke kuht suk in luhngse Leum ac mwet sahyac ke insiyacsr ac nguhnasr kwewa uh.

Ma suhmuhslah uh suli kuht in sang nohfohn kuhiyacsr nuh ke mwe loang luhn luhngse ac kuhlwacnsap uh. Ke wuhlweacng Mahtuh, Deuteronomy fahk nuh sesr in luhngse Leum God lowos ke insiacsr, nguhnasr, ac ke nuhnkwacsr kewa.¹³ Joshua el kwacfe, “Lungse Leum God lowos, … in oru ma lungse lal, … in akos masap nukewa lal, … in oaru nuh sel, ac … kulansupwal ke insiowos ac ngunuwos kewa.”¹⁴

Ke Wuhlweacng Sasuc, mwet Lahngo lasr el ahkkahlwemye masap yohk luo: “Kom fah lungse Leum God lom ke insiom kewa, ke ngunum kewa, ke ku lom kewa; … ac mwet tulan lom oana kom sifacna.”¹⁵

Ke puk luhn Mormon: SiepacWuhlweacng ke Jisus Kraist, King Benjamin el fahk ohinge “keorekma luhn kuhiyacn mahnol nohfohn ac kuhiyacn nguhnal kwewa” sifil pac oakiyac mihs nuhfin acn uh.¹⁶ Ke Doctrine and Covenants, oacna ke misineri nuhkwewa etuh, Leum el siyuckkuht in kuhlwacnsuhpwacl ke insiacsr, nguhnasr, nuhnkwacsr, ac kuh lasr kewa.”¹⁷Ke mwetluhlahlfongi utyak nuh ke Jackson County, Leum El sapkihn nuh selos in karihngihn lwenSacnri in muhtahl, in luhngse “Leum God lowos ke insiowos kwewa, nguhnuwos, nuhnkowos,ac ke kuh lowos kwewa; ac ke inen Jisus Krais kuhlwacnsuhpwacl.”¹⁸

Kuht engan ke solsol se ma in sang nguhnasr kwewa in suk ohiyac fuhlwact ac muhtahl in luhngse God ac luhngse elos suc rauni kuht lac uh, ac in ahkkweye luhlahlfongi lasr sin Pahpah Tuhmasr Inkuhsrao ac Jisus Kraist ke insiacsr ac lohm sesr ah ac ke alu ac.

Ahk ahkosr, campfire lasr luhn luhlahlfongi uh ahkkweyekuht in akiyac aten moul suwohswohs ma ahkkweye luhlahlfongi ac ip luhn nguhn uh.

Ma akwucki muhtahl inge, elah suwohs, kuh atacn pruhe uh kuh in wi pruhe, lutlut ke ma suhmuhslah, lalo, esam mwet Lahngo lasr ac wuhlweacng uh ke akwucki ke kuhfa luhn Leum, fahkwelihk mwe insewowo ke wosasuc sin misineri, tempuhl ac sramsram mahtuh ke sucu, ac kuhtuh kuhlwacnsap sahyac, in esam nuh sesr sifacna ke nguhn, ac kuhtuh pac sahyac.

Ke atac suwohs ac ke sukyacn nguhn kuhpahsreniyucki uh, pacl ac sahflah uh fahsreni nuh sie. Ke kahlem luhn nguhn ac moul uh tuhkuh ke ahkostwen nuh ke alu uh ac orekuhteni nuh sin Pahpah Tuhmasr Inkuhsrao ac Mwet Lahngo lasr, Jisus Kraist. Ke kuht luhngse nguhn ac lwacta ke masap uh, ma ke moul ma pahtpaht uh kuh in kahklah nuh ke nguhnasr oacna aunfong lucng me uh.¹⁹ Ke ahkostwen lwen nuhkwewa ac ahksasucye kof in moul, kuht konwacack top, luhlahlfongi ac kuh in lain ma upac ke lwen nuh kwewa uh ac pacl wowo wi mongfihsracsr ke wosasuc uh, wolacna, ac engan.

Ahk lihmekohsr, ke kuht liyacacng atac nuhkwewa ke kuht suk ma sasuc ac muhtahl in luhngse God ac kahsruh kuh ac mwet sahyac ahkohlah in ohsun El, campfire lasr luhn luhlahlfongi kuh in kwacfe kuht in esam lah suwohswohs uh uh oasr in Kraist, tiac in kuht, kuh in eissuwohs oacna ke facluh eis uh..

Suli lal God uh nwacnwaclah keluhngse ac usrnguck ke srihpen Jisus Kraist pa “inkacnek, pwacye, ac moul.”²⁰ Nuh selos suc puhla toasr, El Solwaclos, “Tuhkuh nuh yuruk,” ac nuh selos suc tuhkuh nuh yohrohl, el olwelah, “Nga fah usot nuh suwos monglac.”²¹ “Tuhkuh nuh yurunKraist, ac ahksuwohsyeyucklac Kacl… luhngse God ke insiowos, nuhnak lowos ac kuhiyowosnohfohn, na luhng kuhlwacng Lal ac fal won uh suwos, tuh ke luhng kuhlwacng Lal kowos kuhin ahksuwohsyeyucklac ke Kraist.”²²

Ke kahs in ahkkeye inge “ke kuhlwacng lal kuht enenuh in pwacye nuh sin Kraist” el oacyacpac ahkkweye, mihslac, ac suwohs lah kuhtkuh in tahfwelah in ngwet nuh meet ke luhlahlfongi ac fuhrkihn Leum, finne ma uh tiac fahlac oacna ma kuht finsraki, sano, kuh sahp fal in eis, tahfonglac ma kuht tiac sifacna oraclah, finne tukun kuht oruh kuhiyacsr nohfohn.

Ke kain in pacl ac ohiyac, kuht kwewa puhla tiac fal, tiac wo, sahp sesuwohs. Inge, ke kuh in luhlahlfongi in luhngse God ac in kuhlwacnsuhpuh mwet tuhlan lasr, kuht ac kuh in puhla luhngse luhn God ac enenuh moklweyuck nuh ke moul lalos ac lasr ke inkacnek sasuc ac muhtahl.

Ke pahkomuhta, Mwet Lahngo lasr El ahkkweye kuht ac olwelah muh kuht kuh in “ahkwot nuh met ke luhlahlfongi kuh in Kraist, in oasr kahlwem suwohs luhn finsrak, ac luhngse God ac mwet nuhkwewa.”²³Ke mwe luti luhn Kraist, Iwaclah luhn Mwet Lahngo lasr, ac ahkostwen suwohs lasr ke wuhlweacng lal kuh in kahsrekuht etuh ma pwacye ac oruh kuht sukohsohk.²⁴

Nga fahkwack fohnlah ke wosasuc ac ke plwacn in engan Lal fohlohkyak ac lutiyuck ke Alu luhn Jisus Kraist luhn Mwet Luhlahlfongi ke Lwen-sahflah, ke ma suhmuhslah muhtahl, ac sin mwet pahluh wacl mwet pahluh Joseph smith nuhke pacl lal President Russell  M. Nelson mihsenge. Nga fahkwack lah inkacnek in wuhlweacng Lal kol nuh ke me sang yohk se emet PahpahLucng luhngse tuhmasr El olwelah kac: Kowos fah moul mapahtpaht.²⁵

Nga Finsrak muh mwe insewowo ac engan yohk Lal in ma lasr, ke kuht ahkweyeinsiacsr ac finsrak ac sulaclah lasr ke campfire luhn luhlahlfongi uh, nga pruhe ke ine muhtahl luhn Jisus Kraist, amen.