Akwucki luhn Pwelucng ke sie Orekma Wolacna

Ke orekma luhn sie pahpah ninac ke Saion, oasr kunohkohn muhtahl lasr in kahsruh tuhlihk nahtuhsr in eis kena kuh ac suwohs ke engan, kahlwem, ac ma pwacye ke wosasuc luhn Jisus Kraist uh. Ke tuhfa tuhlihk nahtuhsr, kuht oakiyac facsin ke lohm sesr ac kuht orwaclah ohiyac ke sramsram ac elah ke kuhpahsr inmahsrlon sucu lasr. Ke oruh ma inge uh, facsin se kuht oakiyac uh enenuh in akwucki kuh, ahkkweye ohiyac wo luhn tuhlihk nahtuhsr ma fah sang kuh in kuhtanglah mwe srihke luhn moul uh.

Ke yac puhs oasr engan luhn sucu lasr ke yac nuh kwewa luhn ohiyacn muhtwacta ke finohl fuhlwact Utah ke northeastern Utah. Kuht forfor mael 20 (32 km) ke acn fohkfohk yotyot in sun sie finohl folfol sra kahto, ke sisken inging fuhlwact, ac kac suc sie infacl sohrohr ke ohyucu, ac kof nwacsnwacs. Kais sie yac, finsrakihn in sifil luti ma yohk srihpac ke ma suhmuhslah luhn wosasuc ac sang mwe luti nuh insiyacn tuhlihk nahtuhsr ac tuhlihk nuhtin nahtuhsr, Susan ac nga siyuck sin kais sie sin tuhlihk mukul ohnkohsr nahtuhsr ac sucu lalos in ahkolah sie pohloh pweng ke fuhs se ma elos puhla pa yohk srihpac ke ip luhn pwelucng luhn Kraist-infulwen lohm ke sie lohm uh. Na kuht tuhkweni ke sie tuhkweni muhtahl ke sie acn srwenglah mihs, ac kais sie mempucr ke sucu akacsruhi pweng lalos.

Petsac

Pweng sihmlac fin yot

Yac se inge, tuhlihk nuhtin tuhlihk nahtuhsr suhmuhslah pweng lalos ke yot ac na, kais sie, pihkihnyac siskacn sie sin sie, akihlenyac sie pwelucng kuh kac suc ma sie moul engan el akwucki kac. Ip kac kwewana pweng ohnkohsr lalos tiac kuh in iklac, ma pwacye ma pahtpaht ma Jisus Kraist pa insroasrihk kuh kac uh.

Ke kahs lal Isaiah, “Pa inge ma Leum God el fahk, Liye, Nga likiyapwelung in Zion ma oakwuki ku. Nga filiya sie eotinsruwasrik saok, ac ku kac, ac kas inge simlac fac.”¹Jisus Kraist pa insroasrihk ke pwelucng luhn Zion. Suc El pa ahkkahlwemye nuh sel Mwet Pahluh Joseph Smith,kuht tiac ahlohloh in oruh ke orekma wo, tuh kuht fihliyac sie pwelucng ke orekma wo. Ac ke ma sikyak luhn ma srihsrihk srihke na in oruh ma suc wo.”²

Mwe lutlut lutiyuck ke facsin kuht akiyac in lohm sesr, finne elos ma srihsrihk ac fihsrwacsr, elos kapwack yohk srihpac nuh fin facluh mihsenge. Meac ma srihsrihk ac ma fihsrwacsr ma, ke akwucki, fah oruh sie orekma wo ke moul luhn tuhlihk nahtuhsr?

Prestuhn Russell M. Nelson el tuhfahna sramsram nuh sin sie u na puhs se apkuhran nuh Toronto, Canada, ac puhlakihn ahkacsmak nuh sin pahpah ninac ke ma kunohkohn muhtahl ma oasr sesr in luti tuhlihk nahtuhsr. Inmahsrlon orekma yohk srihpac ma fwack ah, Prestuhn Nelson el ahkuhtweyac kunohkohn ma oasr sesr ekihn ninac pahpah in luti tuhlihk nahtuhsr in etuh lah efuh kuht ipeis sackracmacn, yohk srihpac in sifil sruokyac wuhlweacng, ac yohk srihpac in ahkolah kac ac eis mwe insewowo luhn patriarchal, ac el ahkkweye pahpah ninac in kol sucu lalos in tuhkweni rit ke ma suhmuhslah oacna sie sucu.³ Ke oruh ma inge, mwet pahluh sacohk lasr el kwacfe kuht in oruh lohm sesr in “acn muhtahl ke luhlahlfongi.”⁴

Ke Puk luhn Mormon, Enos el suhmuhslah puhla loalacna el puhla ke mwe srihkasrak luhn pahpah tuhmwacl suc “luti[yuc] ke kahs lal, ac oacyacpac ke karihngihnyuck ac kaiyuck luhn Leum.” Wi puhla wolacna Enos el fahkwack, “Ac kaksakin inen God luhk nuh kac.”⁵

Nga luhngse ma srihsrihk ac ma fihsrwacsr luhn facsin kuht oakiyac in lohm sesr ke yac 35 ke pahyuck lasr uh. Puhs sin facsin puhs lasr inge srihk, tuh yohk kalmeyac. Oacna:

• Ke ekuh ke nga loes liki lohm ah, nga kwacna etuh lah tuhlihk mukul mahtuh nahtuhsr suc oasr lohm ah fah oruh ma kunacl, finne te siyuckyuck, in kol sucu ke ma suhmuhslah ac pruhe luhn sucu.⁶

• Pa inge sie facsin lasr––kuht tiac som liki lohm sesr, kuh ahksahfye sramsram ke telephone, sahyacn fahk, “Nga luhngse kom.”

• Moul lasr uh insewowo in srwelah pacl ke kais sie orekma in engankihn kihsensiyuck lasr sifacna nuh sin kais sie tuhlihk mukul nahtuhsr. Ke pacl in kihsensiyuck nga siyuck sin tuhlihk mukul nahtuhsr ke kena lal ac ahkolah lal nuh ke kuhlwacnsap luhn misin. Tukun sramsram, oasr kihtin pacl in nuhnkuh, na el mayak nuh met ac nuhnak fahk, “Pahpah, esam ke nga srihk ac kuht muhtwacwacack in oruh kihsen siyuck luhn pahpah?” Nga fahk. “Ahok.” “Kwacl.” el fahk, “Nga olwelah nuh sum ke pacl sac lah nga fah kuhlwacnsap ke misin, ac kom ac ninac olwelah nuh sihk lah kowos fah kahsruh sie misin ke kowos mahtohoh uh.” Na oasr kihtin tui sahyac. “Kuh oasr ma upac lomtacl ma tulokihn kowos in kuhlwacnsap—mweyen sahp nga kuh in kahsruh?”

Lihksreni, kapkapwack ke facsin luhn sucu oasr pruhe, riti ma suhmuhslah, tuhkweni ke ekuh luhn sucu, ac wi toeni luhn alu, finne oacna in ma srihsrihk ac ma fihsrwacsr, orwaclah sie ohiyac in luhngse, ahkfuhlwact, ma sefanna, ac karihngihn. Ke nguhn ma wi kuh inge, tuhlihk nahtuhsr tuhkuh kosrwaclah ke mwe ahkluhng ma facluh oruh pacl inge.

Kuht ahkacsmakihnyeyuck ke kahsruh lahlmwetmwet lal Helaman nuh sin tuhlihk nahtuhl: “Esam lah ke fin yot luhn Mwet in Molwelah lasr, suc pa Kraist, Wen nuhtin God, pa kowos enenuh in muhsahelah pwelucng lowos; tuh ke devil el ac suhpwaclah eng upac lal, ahok, ke aes kwekwe raun nuhkwewa lal ac pahkah upac lal fah srihngihl kowos, ma inge ac fah wacngihn kuh la fowos in iskowosi nuh ten nuh ke inahlok luhn suhpwacr ac ongaiyac ma wacngihn sahflahiyac, ke srihpen yot se ma kowos muhsahyak fac, suc pa sie pwelucng pwacye, sie pwelucng ma fin mwet uh muhsah fac elos tiacna kuh in puhtatlac.”⁷

Yac somlah ah, ke nga tuh kahsruh oruh orekma luhn sie pisap fuhsr, sie mukul mahtuh siyuck in ohsun nuh sihk. El ahkuhtweyac ke el tilac mempucr oaru se ke luti luhn Alu ac ohiyac muhtahl luhn pahpah ninac kiyacl ke el matwac fuhsr ah. El ahkuhtweyac ke ip srihsrihk insuhfngal el puhlakihn ke sucu lal puhlakihn kweok in sun engan ma pahtpaht, inmahsrlon pacl in engan ma facluh enenuh in sang. Ingena, ke moul mahtuh lal, el puhla karihngihnyuck, puhsra srihsrihk luhn siyuck tiac kuh in muhlkihnyucklac ke Nguhn luhn God ahkacsmakuhnuhl in fohlohk nuh ke mwe luti, srihke, puhla, kolyuck luhn nguhn ke pacl in fuhsr lal. El ahkkahlwemye srui ke facsin luhn pahpah ninac kiyacl, ac ke kahs ke pacl ingena uh, el ahkkahlwemye fwackyuck lal Enos: “Kaksakin inen God luhk nuh kac.”

Ke puhla luhk, fohlohk luhn mukul sacohk se inge nuh ke wosasuc el apkuhran nuh ke puhla luhn mwet puhs ac kalweniyuck inmahsrlon tuhlihk nuhtin God suc tui in ukwe mwe luti ke Alu ke sie pacl, kuht lohoh ke kahs in lahlmwetmwet luhn mwet sihm luhn soakas suc kahsruh pahpah ninac, “Luti nuh sin sie tulik inkanek fal elan fasr kac: ac na ke el matula, el fah tia fasr liki.”⁸

Pahpah ninac nuhkwewa sun pacl in fohs ac kain in atac luhn sulaclah ac kuh ke pacl in tuhfahlah tuhlihk uh. Ne ohinge, ke pahpah ninac orekmakihn luhlahlfongi in kalweni in luti tuhlihk nahtuhlos, luhngse ac oruh kwewa ma elos kuh in kahsrwelos ke inkacnek lalos, elos eis finsrak yohk muh fihtac yoki uh ac okahlah ke insiyaclos ac nuhnak luhn tuhlihk nahtuhlos.

Moses el etuh na pwacye ke mwe enenuh yohk srihpac in kalweni in luti. El kahsruh, “Ac kom fah luti [kas inge] nu sin tulik nutum, ac alken in luti pacl kom oasr in lohm sum, ac pacl kom fufahsryesr, pacl kom mongla, ac pacl kom orekma.”⁹

Kuht sikuckmuhtuhntei sisken tuhlihk nahtuhsr ke pruhe in sucu, kuht karuhnguhnuhlos ke kena lasr in ahkfalye riti ma suhmuhslah yurin sucu, kuht mong fihsrwacsr, ac luhngse elos ke kuht tuhkweni wi ekuh in toeni luhn sucu, ac kuht sensenkuhnuhlos ke kuht pruhe sifacna nuh inkuhsrao. Oh, kuht kena yohk ke fihtac kuht yukiyac yohrohlos in kapwack ke insiyaclos ac nuhnak luhn tuhlihk nahtuhsr.

Nga luhlahlfongi lah tiacna elyah lah tuhlihk nahtuhsr uh “kahlwem kac” nohfohn infulwen mwe luti lasr, kain nuh ke pacl srihke in riti ma suhmuhslah kuh in oasr tuhkweni in ekuh luhn sucu kuh wi Ekuh in Mwet Fuhsr ac kuhtuh pac toeni luhn Alu. Tiac yohk srihpac lah ke pacl ingacn elos etwaclah ma yohk srihpac ke activities ac ma yohk srihpac pa siyuck yohk se lah kuht, ekihn pahpah ninac se, kuht srihke luhlahlfongi fal in ukwe kahsruh luhn Leum in moul suwohs, luti, ahkkweye, ac akiyac mwe kena ma wo nuh ke wosasuc luhn Jisus Kraist uh. Pa sie kuh ma mokle luhlahlfongi lasr––luhlahlfongi lasr lah sie lwen elos fah sulwaclah ke ip yohk ma kuht lotwelos ke pacl fuhsr lalos.

Ma kuht sruhmuhn kac, ma kuht ahkuhtweyac ac luti ahkkahlwemye ma suc fah sikyak inmahsrlosr. Ke kuht akiyac facsin kuh ma luti ma suhmuhslah luhn Kraist, Nguhn Muhtahl El use mwe lohoh ke ma pwacye ke pweng lasr ac ip yohk ke mwe luti lasr nuh sin tuhlihk nahtuhsr ke kuhiyacsr kwewa ke srihke nuhkwewa lasr. Nga fahkwack ma inge ke inen Jisus Kraist, amen.