Eklac Loal ac Pahtpaht nuh sin Pahpah Lucng ac Leum Jisus Kraist

Toeni luhn Alu ke Sacnri fah orek ke toeni in kuhfa luhn Leum ke lusen pacl minit [onngoul] 60 kais sie Sacnri, ac porongo nuh ke Mwet Lahngo, akwuck luhn kuhfa luhn Leum, ac pweng ke ma luhn nguhn. Tukun pacl in som nuh ke kuhlahs, mempucr ke Alu fah wi sie kuhlahs ke lusen minit 50 ma ac fah ayaol kais sie Sacnri.

• Sacnri Skul fah orek ke Sacnri se met and ahktolu.

• Toeni ke U luhn Pristut, Rilif Sosaiti, ac Muhtwacn Fuhsr fah orek ke Sacnri ahkluo ac ahkahkosr.

• Toeni ke Sacnri ahklimekohsr fah orek ke kolyuck luhn pisap.

U luhn Tuhlihk Srihsrihk fah orek kais sie wik ke lusen pacl minit [luhmngaul] 50 oacna sie ac fah oruh pacl in on ac kuhlahs.

Petsac

Ao oreklac nuh ke Sacnri

Ke oa in toeni ke Sacnri, mwet kol fuhlwact ke Alu akihlen tari ke yac puhspuhs lah oasr kuhtuh mempucr sacohk lasr, suc upac in wi toeni ke Sacnri ma lusen oa tolu. Yohk nuh sin pahpah ac ninac kiyacn tuhlihk srihsrihk, tuhlihk ke U luhn Tuhlihk Srihsrihk, mempucr mahtuh, mempucr sasuc, ac mwet sahyac.²

Tuhsruhktuh oasr yohk liki eklac se inge na ahkfototoye pacl in toeni ke Sacnri. Prestuhn Nelson el ahkkahlwemye ke kuloh ma ahkfalyeyuck ke srihpen luhlahlfongi lowos nuh ke mwe suli tari ah. El, ac mwet kol nohfohn luhn Alu, ken in us engan yohk liki ke wosasuc—nuh sin pahpah, ninac, tuhlihk, mwet fuhsr, mwet lolacp, mwet mahtuh, mwet sasuc, ac elos suc misineri luti—nuh ke srihk in lohm infulwacn, Alu ahkkweyeyuck oacna sie. Srihpac ac mwe insewowo ma wi ma inge ac eklac sahyac tuhfahna tari ah pa inge:

• Ahkloalye eklac nuh sin Pahpah Lucng ac Leum Jisus Kraist ac ahkfokokoye luhlahlfongi nuh Kwaclos.

• Ahkfokokoye kais sie mwet ac sucu nuh ke mwe luti infulwacn lohm, ahkkweyeyuck ke Alu ma sang ohiyac engan ke moulkihn wosasuc.

• Ahkfuhlwactye lwen Sahpuht, ke ohiyacn porongo nuh ke akwuck luhn kuhfa luhn Leum.

• Kahsruh tuhlihk nohfohn nuhtin Pahpah Lucng kwewana mwet moul ac mwet misac tari nuh ke orekma luhn misineri ac eis akwuck ac wuhlweacng ac mwe insewowo luhn tempuhl.

Ao in toeni se inge ke Sacnri lwelah in oasr pacl ke ekuh in lohm uh ac in lutlut wosasuc ke lohm ah ke Sacnri, kuh pacl sahyac ke mwet kais sie ac sucu kuh in sulwaclah. Sie ekuh in toeni luhn sucu kuh in sikyak ke Monte kuh pacl sahyac. Ke srihpac se inge, mwet kol enenuh karihngihn ekuhn Monte in mwesahs ke toeni luhn Alu ac mukwikwi. Tuhsruhktuh, pacl in oruh ekuh in lohm, lutlutkihn wosasuc ac mukwikwi luhn kais sie ac sucu kuh in sikyak ke pacl ma elos enenuh orekmakihn.

Petsac

Come, Follow Me—For Individuals and Families

Lutiyacn wosasuc e lohm ah ke sucu ac kais sie fah ahkwoyeyuck yohk ke mwe luti ma orekma tuhkweni ac sie sasuc Come, Follow Me resourcefor individuals and families ma wi mwe luti ma sikyak ke Sacnri Skul ac U luhn Tuhlihk Srihsrihk. ³ Ke Jacnweri, mwet fuhsr ac mahtuh ke Alu ke kuhlahs luhn Sacnri Skul ac U luhn Tuhlihk Srihsrihk fah lutlut ke Wuhlweacng Sasuc. Mwe lutlut sasuc in lohm sesr ke mwe kahsruh luhn Come, Follow Me luhn mwet se ac sucu se—wi pac lutlut ke Wuhlweacng Sasuc—orweyucklac in kahsruh mempucr etwaclah wosasuc ke lohm ah. El ahkuhtweyac: “Mwe kahsruh sie inge oasr in kahsruh kais sie ac sucu luhn Alu. Orweyucklac in kahsruh [kuht yohk likina met] etwaclah wosasuc—finne ke sifacna [lasr] kuh sucu [lasr]. …Sifac ke lutlut ke mwe kahsruh [sasuc] se inge oreklac nuh ke kais sie wik … ao oreklac.”⁴

Mwe luti ke Come, Follow Me sasuc ke U luhn Tuhlihk Srihsrihk luti ke alu fah ukwe schedule oacna sie. Kuhlahs ke Sacnri Skul luhn mwet mahtuh ac fuhsr ke Sacnri se met ac ahktolu fah sikyak ke ohiyac in ahkkweye mwe kahsruh sasuc Come, Follow Me ke lohm ah. Ke Sacnri ahkluo ac ahkahkosr, mwet mahtuh ke Pristut ac Rilif Sosaiti fah kalweni lutlut ke mwe luti luhn mwet kol luhn Alu, yohk nuh ke pweng luhn mwet pahluh ingena.⁵ Muhtwacn fuhsr ac mukul fuhsr ke Pristut Aaronic fah lutlut ke sifac luhn wosasuc ke Sacnri ingen.

Mwe kahsruh in lutlut sasuc ke lohm ah sang “Nuhnak in Lutlut ke Ma Suhmuhslah ke Sucu ac Ekuh in Toeni luhn Sucu.”⁶ Oasr me kahsruh it lutlut ke sifac luhn kais sie wik ac mukwikwi ke kais sie ac sucu. Oasr petsac puhspuhs ke mwe kahsruh luhn Come, Follow Me luhn mwet se ac sucu se in kahsruh lutlut luhn kais sie ac sucu, yohk nuh sin tuhlihk.⁷ Mwe kahsruh se inge fah som nuh ke kais sie lohm ke Tisacmpuh ke yac se inge.

Prestuhn Nelson, ke sramsram se lal met nuh sin mempucr ke Alu ke Jacnweri ah, el kwacfwe kuht in ahkolah ke Tuhkuh Ahkluo luhn Jisus Kraist ke fahsr ke inkacnek wuhlweacng.⁸

Ohiyacn facluh lihksreni in oruh kais sie in ahkloalye eklac nuh ke ac ahkfokokoye luhlahlfongi nuh sin Pahpah Lucng ac Jisus Kraist ac Iwaclah Lal. Leum El ahkoekuhtlac, ip nuh ke ip, in sun pacl upac ma kuht liye ingena. Ke yac ekahsr tari ah, Leum El kol kuht in sramsramkihn elyah yohk inge:

• Ahkfuhlwactye Lwen Sahpuht ac akwuck muhtahl ke kuhfa luhn Leum ma sulpac ahkkohnyeyuck ke yac tolu tari ah.

• Ke kolyuck luhn pisap, u luhn elder ac Rilif Sosaiti ma ahkkweyeyucklac uh lohacng nuh ke srihpac luhn Alu⁹ ac kahsruh mempucr oraclah ac karihngihn wuhlweacng muhtahl.

• Karihngihn ohiyac fuhlwact ac muhtahl yohk uh pa nuhtwelah engan yohk uh.

• Muhtwacwack ke sahflah ke nuhnak, wuhlweacng luhn tempuhl ac sramsram mahtuh luhn sucu wi ip yohk ke inkacnek wuhlweacng.

Eklac ma fahkwack ke toeni se olutu inge pa sie pac srihkasrak luhn kolyuck ke ma upac luhn lwen lasr uh.

Mwe luti mahtuh luhn Alu ahkyohkye ma sikyak ke Sacnri in Alu. Kuht etuh lah ke kuht luti wo ac mempucr ke kuhlahs tuhkuh ahkolah ke nguhn, oasr ma wo liki sikyak ke Alu luhn Sacnri. Kuht ahkinsewowoyeyucklac lah Nguhn ahkyohkye ac ahkfokokoye eklac ke ohiyacn Alu.

Mwe luti sasuc ke lohm-akwucki se ac Alu-ahkkweyeyucklac enenuh in kai ohiyacn alu luhn sucu ac mukwikwi ac alu ac mukwikwi sifacna. Kuht etuh eklac luhn nguhn ac ohiyacn eklac loal ac paht ma tuhkuh nuh ke lohm. Yac ekahsr tari ah, sie lutlut konwacack lah ke mukul ac muhtwacn fuhsr, kaiyuck luhn Nguhn Muhtahl tuhkuh yohk ke lutlut kais sie luhn ma suhmuhslah ac pruhe ke lohm ah. Srihpac lasr pa in oracni ma sikyak ke Alu ac lohm ah ke ohiyac in ahkyohkye luhlahlfongi, ohiyacn nguhn, ac ahkloalye eklac nuh sin Pahpah Lunch ac Leum Jisus Kraist.

Ke lohm-akwucki se, Alu–ahkkweyelah ip ke eklac se inge, oasr sukohsohk se nuh sin kais sie mwet ac sucu in sulwaclah ohiyac ac ngwe elos fah oraclah eklac se. Pa nuh ke, eklac se inge fah ahkinsewowoye yohk sucu nuhkwewa, ke mwe enenuh luhn acn se, pa wo nuh pwacye nuh sin mwet mwesahs fuhsr, mwet lolacp, pahpah kuh ninac muhkwena, ac sucu ma kuhtuh selos mempucr, mempucr sasuc,¹⁰ ac kuhtuh sahyac in oracni ke u siena liki alu in Sacnri in puhlakihn sramsram in wosasuc ac ahkkweye ke lutlut tuhkweni ke kahsruh se lohm infulwen, Alu ahkkweye an. Ma inge kuh in sikyak ka ohiyac oacna sie sin elos suc luhngse.

Ke acn pucspucs fin facluh, mwet uh sulwaclah in muhta na ke lohm alu tukun toeni luhn Sacnri pacrkihn in kuhpahsryang nuh sin mwet sahyac. Wacngihn ma eklac ke mwe fahkwack se inge fah tulokihn ohiyac wolacna ac insewowo se inge ke kuhtwena atac.

In kahsruh mempucr in ahkolah ke lwen Sahpuht, kuhtuh sin ward suhpwaclah tari sie email ke ma mwet enenuh in etuh, text, kuh pweng luhn social media ke infulwen wik. Ke kahlwem luhn eklac se inge, kuht lihksrweni kwacfwe kowos ke kain mwe sramsram se inge. Solsol inge fah ahkacsmakihnye mempucr ke schedule luhn Sacnri ke wik sacn, wi pac srihpac lutlut ke wik se, ac kahsruh eklac nuh ke wosasuc fin lohm ah. Wi pac, toeni luhn mwet mahtuh ke Sacnri fah song mwe etuh in kapsra Alu nuh ke lutlut luhn lohm kais sie wik.

Toeni luhn sackracmacn ac pacl luhn kuhlahs enenweyuck nuhnkuh ke pruhe in oruh srihpac luhn nguhn pa yohk liki oruh luhn mwe kol. Ke srihkasrak, pwenyuck kuh in sikyak ke lwacta ke infulwen wik kuh sihmlac ke prokracm luhn Sacnri. Finne toeni luhn sackracmacn enenuh pruhe in ikacslah ac kaliyac, toeni ahkluo enenuh pruhe in kaliyac muhkwena.¹¹

Oacna ke fahna fwack tari ah, ao nuh ke Sacnri ac tiac muhtwacwack ne ke Jacnweri 2019. Oasr srihpac ekahsr ke ma inge. Srihpac luo yohk emet an pa, ma se met, in oasr pacl in kihtakatlah mwe kasruh ke Come, Follow Me se nuh sin mwet se ac sucu se ac, ahkluo, in lwelah prestuhn luhn stek ac pisap in oracni pacl in ohsun ke alu wi finsraki muh in puhslac ward sa ohsun ke lwen.

Ke mwet kol uh suk fwackkyuck uh, mwe kolyuck eisyuck ke yac ekahsr fahsruh pa in ahkkweye toeni luhn sackracmacn, ahkfuhlwactye lwen Sahpuht, ac ahkkweye ac kahsruh pahpah ninac we mwet sefanna in oruh lohm selos ke acn luhn nguhn fokoko ac luhlahlfongi yohkwelihk—acn luhn engan.

Meac kalmac eklac inge nuh ke mempucr ke Alu luhn Jisus Kraist luhn Mwet Luhlahlfongi ke Lwen-Sahflah? Kuht puhla fokoko lah mempucr fah eis mwe insewowo ke ohiyac wo. Sacnri kuh in lwen nuh ke lutlut luhn wosasuc ac luti ke alu ac fin lohm sac. Ke mwet sefanna ac sucu oracni nuh ke plwacn luhn sucu, sramsram mahtuh luhn sucu, karihngihn, kuhlwacnsap, alu sifacna, ac pacl engan luhn sucu, lwen Sahpuht pac lwen engan se.

Petsac

Carvalho family

Sie sucu fin acn Brazil pa mempucr luhn stek se ma srihke orekmakihn mwe luti Come, Follow Me ke lohm sasuc se. Pahpah se, Fernando, sie misineri fohlohk, suc wi muhtwacn kiyacl, Nancy, pa pahpah ninac luhn tuhlihk fuhsr ahkosr, fahk lah: “Ke prokracm Come, Follow Me muhtwacwack ke stek lasr, nga rahrah yohk, ac nga nuhnkuh ‘ohiyac se kuht lutlut ma suhmuhslah in lohm sesr fah eklac.’ Pwacyena ma inge sikyak in lohm sik, ac ke mwet kol luhn Alu nga liye ma inge sikyak in lohm sahyac. … Ma inge kahsrwekuht in sramsram pwacye ke ma suhmuhslah fin acn lohm sesr. Muhtwacn kiyuck ac nga yohkwelihk kahlwem lasr ke ip yohk kuht lutlutkihn. … El kahsrwekuht … ahkyohkye etweyuck lasr ke wosasuc, ac ahkkweye luhlahlfongi ac testimony lasr. … Nga fahk testimony luhk … lah nga etuh pa ma inge tuhkuh Leum me nuh ke lutlut wo pacl nuhkwewa ke ip yohk luhn wosasuc oasr ke ma suhmuhslah us tuhkuh, luhlahlfongi, testimony, ac kahlwem nuh ke sucu … fin acn facluh puhtatlac.”¹²

Ke stek ma srihke ma inge fin facluh nohfohn, oasr top na wowo nuh ke mwe luti sasuc Come, Follow Me ke lohm an. Puhslac mwet fahkwack lah elos kapwack ke riti ac lutlut pwacye ke ma suhmuhslah. Ac puhla se sikyak pacl pucspucs pa ma se in ahkyohkye luhlahlfongi ac ahkwoye ward ah.¹³

Finsrak luhn eklac inge pa in eis eklac fokoko nuh ke wosasuc luhn mwet mahtuh ac fihl se ma kapwack. Sra se met ke puk in kahsruh ke mwet sefanna ac sucu fahk muh: “Finsrak luhn luti ac etwaclah nuhkwewa luhn wosasuc pa in fokokoi eklac lasr ac kahsrwekuht in oruh oacna Jisus Kraist. … Kalmacn ma inge pa luhlahlfongi ke Kraist in eklac insiyacsr.”¹⁴ Ma inge kapsrweyuck in oruh ma “siyac infuckihl in lutlut nuh ke insiyacn mwet se ac lohm an. Ma inge enenweyuck, orekma ke lwen nuhkwewa in kahlwem ac moulkihn wosasuc. Eklac pwacye enenweyuck kuh luhn Nguhn Muhtahl.”¹⁵

Finsrak se yohk srihpac omet ac mwe insewowo luhlahp ke eklac fokoko nuh ke wosasuc pa in eisyang olwelah ac akwuck ke inkacnek luhn olwelah.¹⁶

Kuht luhlahlfongi kowos fah sramsram tuhkweni ac suk fahkyuck in oraclah eklac inge—ac tiacna ngwetngwet liki ma yohk srihpac omet kuh srihke in sap mwet se kuh sucu. Kuhtuh kahs sahyac fah tuhkuh ke kuhtuh communication tuhkuh, wi pac lwacta sin Prestuhnsi se Met ac kahs in kol.

Nga fahkwack nuh suwos lah sramsram ke U luhn Prestuhnsi Se Met ac U luhn Mwet Sap Singucul Luo fin acn tempuhl, ac tukun mwet pahluh sacohk lasr siyuck sin Leum ke fahkyuck in fahsr nuh met ke eklac inge, top fokoko tuhkuh nuh sin kuht nuhkwewa. Russell M. Nelson el pa Prestuhn ac mwet pahluh moul lasr. Pwenyuck mihsenge fah sang mwe insewowo yohk nuh sin elos suc eis ma eklac ke engan ac sokwack mwe kol luhn Nguhn Muhtahl. Kuht ac fah fototoi nuh sin Pahpah tuhmasr Inkuhsrao ac Leum lasr Mwet Lahngo, Jisus Kraist, ke suc nga Mwet Loh suwos. Ke inen Jisus Kraist, amen.