உடன்படிக்கை பாதை ஏன்

முதலாவது, தேவனுக்கு நமது கீழ்ப்படிதலின் தன்மை. வெறுமனே நல்ல நோக்கங்களைக் கொண்டிருப்பதை விட, தேவனின் வாயிலிருந்து வெளிவரும் ஒவ்வொரு வார்த்தையினாலும் வாழ நாம் பரிசுத்தமாக ஒப்புக்கொடுக்கிறோம். இதில், ஞானஸ்நானம் பெறுவதன் மூலம், “மாம்சத்தின்படி அவர் பிதாவுக்கு முன்பாக தன்னைத் தாழ்த்திக் கொள்கிறார், பிதாவிடம் அவருடைய கட்டளைகளைக் கடைப்பிடிப்பதில் அவருக்குக் கீழ்ப்படிந்திருப்பார் என்று சாட்சி அளிக்கிற” இயேசு கிறிஸ்துவின் உதாரணத்தை நாம் பின்பற்றுகிறோம்.⁶

உடன்படிக்கைகளுடன், தவறுகளைத் தவிர்ப்பது அல்லது நமது முடிவுகளில் விவேகத்துடன் இருப்பதை விட நாம் அதிகமான நோக்கம் கொண்டுள்ளோம். நம்முடைய தேர்ந்தெடுப்புகளுக்கும், நம் வாழ்விற்கும் நாம் தேவனிடம் பொறுப்பேற்க வேண்டும். கிறிஸ்துவின் நாமத்தை நம் மீது தரித்துக்கொள்கிறோம். இயேசுவைப்பற்றிய சாட்சியத்தில் வைராக்கியத்துடனும் கிறிஸ்துவின் தன்மையை வளர்ப்பதிலும் நாம் கிறிஸ்துவின் மீது கவனம் செலுத்துகிறோம்.

உடன்படிக்கைகளுடன், சுவிசேஷ கொள்கைகளுக்குக் கீழ்ப்படிதல் நம் ஆத்துமாவில் வேரூன்றியுள்ளது. ஒரு தம்பதியரை நான் அறிந்திருக்கிறேன், அவர்கள் திருமணம் செய்துகொண்ட நேரத்தில், மனைவி சபையில் ஆர்வமாக இல்லை, கணவர் ஒருபோதும் சபையில் உறுப்பினராக இருந்ததில்லை. நான் அவர்களை மேரி மற்றும் ஜான் என்று குறிப்பிடுவேன், அவர்களின் உண்மையான பெயரால் அல்ல. பிள்ளைகள் காட்சியில் நுழையத் தொடங்கியதும், “கர்த்தருடைய போஷிப்பிலும் அறிவுறுத்தலிலும்” வேதம் கூறுவது போல், அவர்களை வளர்க்க வேண்டிய அவசியத்தை மேரி உணர்ந்தார்.⁷ ஜான் ஆதரவாக இருந்தார். சீரான அடிப்படையில் சுவிசேஷத்தைக் கற்பிப்பதற்காக மேரி வீட்டில் இருக்க சில முக்கியமான தியாகங்களைச் செய்தார். சபை ஆராதனை மற்றும் செயல்பாட்டை குடும்பம் முழுமையாகப் பயன்படுத்துவதை அவர் உறுதி செய்தார். மேரியும் ஜானும் முன்மாதிரியான பெற்றோர்களாக ஆனார்கள், அவர்களுடைய பிள்ளைகள் (அனைவரும் ஆற்றல்மிக்க சிறுவர்கள்) சுவிசேஷ கொள்கைகள் மற்றும் தரநிலைகளுக்கு விசுவாசத்திலும் பக்தியிலும் வளர்ந்தனர்.

ஜானின் பெற்றோர், சிறுவர்களின் தாத்தா பாட்டி, அவர்களின் பேரன்களின் ஆரோக்கியமான வாழ்க்கை மற்றும் சாதனைகள் குறித்து மகிழ்ச்சி அடைந்தனர், ஆனால் சபைக்கு எதிரான சில விரோதங்கள் காரணமாக, இந்த வெற்றியை ஜான் மற்றும் மேரியின் பெற்றோருக்குரிய திறன்கள் மட்டுமே காரணம் என்று அவர்கள் நம்பினர். ஜான், சபையின் உறுப்பினராக இல்லாவிட்டாலும், அந்த மதிப்பீட்டுக்கு சவால் விடுக்காமல் விடவில்லை. அவருடைய மகன்கள் சபையில் அனுபவிக்கும் விஷயங்கள் மற்றும் வீட்டில் நடப்பது, சுவிசேஷ போதனைகளின் பலன்களை அவர்கள் காண்கிறார்கள் என்று அவர் வலியுறுத்தினார்.

ஜான் ஆவியினாலும், அவருடைய மனைவியின் அன்பினாலும், முன்மாதிரியினாலும், அவருடைய மகன்களின் ஊக்குவித்தலாலும் செல்வாக்கடைந்தார். சரியான நேரத்தில், தொகுதி உறுப்பினர்கள் மற்றும் நண்பர்கள் அதிக மகிழ்ச்சியடையும்படிக்கு அவர் ஞானஸ்நானம் பெற்றார்.

அவர்களுக்கும் அவர்களின் மகன்களுக்கும் வாழ்க்கை சவால்கள் இல்லாமல் இல்லாவிட்டாலும், மேரியும் ஜானும் தங்கள் ஆசீர்வாதங்களின் வேராக இருப்பது சுவிசேஷ உடன்படிக்கைதான் என்பதை முழு மனதுடன் உறுதிப்படுத்துகிறார்கள். எரேமியாவுக்கு கர்த்தர் கொடுத்த வார்த்தைகள் தங்கள் பிள்ளைகளின் வாழ்க்கையிலும் அவர்களுடைய வாழ்க்கையிலும் நிறைவேறியதை அவர்கள் கண்டிருக்கிறார்கள்: “நான் என் நியாயப்பிரமாணத்தை அவர்கள் உள்ளத்திலே வைத்து, அதை அவர்கள் இருதயத்திலே எழுதி, நான் அவர்களின் தேவனாயிருப்பேன், அவர்கள் என் ஜனமாயிருப்பார்கள்.”⁸

உடன்படிக்கை பாதையின் இரண்டாவது தனித்துவமான அம்சம் தெய்வத்துடனான நமது உறவு. தேவன் தம் பிள்ளைகளுக்கு அளிக்கும் உடன்படிக்கைகள் நமக்கு வழிகாட்டுவதை விட அதிகம் கொடுக்கின்றன. அவை நம்மை அவருடன் பிணைக்கின்றன, அவருடன் பிணைக்கப்பட்டு, எல்லாவற்றையும் நாம் வெல்ல முடியும்.⁹

ஒரு முறை சரியாக தகவலறியாத செய்தித்தாள் நிருபரின் ஒரு கட்டுரையை நான் படித்தேன், அவர் மரித்தவர்களுக்கு ஞானஸ்நானம் கொடுக்கும் முறை மைக்ரோஃபில்மின் ரோல்களை தண்ணீரில் மூழ்கடிப்பது போன்றது என்று விளக்கினார். மைக்ரோஃபில்மில் பெயர்கள் தோன்றியவர்கள் அனைவரும் ஞானஸ்நானம் பெற்றவர்களாகக் கருதப்படுகிறார்கள். அந்த அணுகுமுறை மிகவும் திறமையாக இருக்கும், ஆனால் அது ஒவ்வொரு ஆத்துமாவின் எல்லையற்ற மதிப்பையும், தேவனுடனான தனிப்பட்ட உடன்படிக்கையின் அதீத முக்கியத்துவத்தையும் புறக்கணிக்கிறது.

“[இயேசு] சொன்னார் … இடுக்கமான வாசல் வழியாய் உட்பிரவேசியுங்கள், ஏனெனில் ஜீவனுக்குப் போகிற வாசல் இடுக்கமும் நெருக்கமுமாயிருக்கிறது, அதைக் கண்டுபிடிக்கிறவர்கள் சிலர்.”¹⁰ உருவகமாகப் பார்த்தால், இந்த வாயில் மிகவும் குறுகலானது, இது ஒரு நேரத்தில் ஒருவரை மட்டுமே நுழைய அனுமதிக்கிறது. ஒவ்வொருவரும் தேவனுக்கு ஒரு தனிப்பட்ட ஒப்புக்கொடுத்தலைச் செய்கிறார்கள், அதற்குப் பதிலாக அவன் அல்லது அவள் இப்போதைக்கும் நித்தியத்துக்கும் மறைமுகமாக தங்கியிருக்க முடியும்படிக்கு, அவரிடமிருந்து ஒரு தனிப்பட்ட உடன்படிக்கையை தங்கள் பெயரில் பெறுகிறார்கள். நியமங்கள் மற்றும் உடன்படிக்கைகளுடன், நம் வாழ்க்கையில் “தெய்வதன்மையின் வல்லமை வெளிப்படுகிறது”.¹¹

இது உடன்படிக்கை பாதையின் மூன்றாவது சிறப்பு ஆசீர்வாதத்தை கருத்தில் கொள்ள வழிவகுக்கிறது. உடன்படிக்கை செய்பவர்கள் உடன்படிக்கையைக் காத்துக்கொள்பவர்களாக இருக்க உதவுவதற்கு தேவன் கிட்டத்தட்ட புரிந்துகொள்ள முடியாத வரத்தை அளிக்கிறார்: பரிசுத்த ஆவியின் வரம். இந்த வரம் பரிசுத்த ஆவியின் நிலையான தோழமை, பாதுகாப்பு மற்றும் வழிகாட்டுதலுக்கான உரிமையாகும்.¹² தேற்றரவாளன் என்றும் அறியப்படும் பரிசுத்த ஆவியானவர் “நம்பிக்கையுடனும் பரிபூரண அன்புடனும் நிரப்புகிறார்.”¹³ அவர் “எல்லாவற்றையும் அறிந்திருக்கிறார், பிதாவையும் குமாரனையும் குறித்து சாட்சியமளிக்கிறார்”¹⁴ அவரது சாட்சி அப்படியிருக்க நாம் ஒப்புக்கொடுக்கிறோம் என்பதே.¹⁵

உடன்படிக்கை பாதையில் மன்னிப்பு மற்றும் பாவத்திலிருந்து சுத்திகரிப்பு ஆகியவற்றின் அத்தியாவசிய ஆசீர்வாதங்களையும் நாம் காண்கிறோம். இது பரிசுத்த ஆவியால் நிர்வகிக்கப்படும் தெய்வீக கிருபையின் மூலம் மட்டுமே வரக்கூடிய உதவி. கர்த்தர் சொல்லுகிறார், “இப்பொழுது இதுவே கட்டளையாயிருக்கிறது, பூமியின் கடையாந்திரங்களே நீங்கள் மனந்திரும்பி என்னிடத்தில் வந்து என் நாமத்திலே ஞானஸ்நானம் பெற்றுக்கொள்ளுங்கள். அப்பொழுது நீங்கள் பரிசுத்த ஆவியானவரைப் பெற்றுக் கொள்வதனாலே சுத்திகரிக்கப்பட்டு கடைசி நாளில் எனக்கு முன்பாக கறைதிரையற்றவர்களாக நிற்பீர்கள்.¹⁶

நான்காவதாக, உடன்படிக்கை பாதையைப் பின்பற்றுபவர்கள் தெய்வீகமாக நியமிக்கப்பட்ட பல்வேறு கூடுகைகளில் தனித்துவமான ஆசீர்வாதங்களைக் காண்கிறார்கள். இஸ்ரவேலின் நீண்டகாலமாக சிதறடிக்கப்பட்ட கோத்திரங்களை அவர்களின் சுதந்தர தேசங்களுக்கு ஒரு கூட்டமாக சேகரிப்பதற்கான தீர்க்கதரிசனங்கள் வேதங்கள் முழுவதும் காணப்படுகின்றன.¹⁷ அந்த தீர்க்கதரிசனங்கள் மற்றும் வாக்குறுதிகள் நிறைவேற்றப்படுவது இப்போது உடன்படிக்கை ஜனங்களை பூமியில் உள்ள தேவனுடைய ராஜ்யமான சபைக்குள் கூட்டிச் செல்வதன் மூலம் நடந்து வருகிறது. தலைவர் நெல்சன் விளக்குகிறார்,“கூட்டிச்சேர்த்தலைப் பற்றி நாம் பேசும்போது இந்த அடிப்படை சத்தியத்தை நாம் சாதாரணமாக சொல்கிறோம், திரையின் இரு பக்கங்களிலுமுள்ள நமது பரலோக பிதாவின் பிள்ளைகள் ஒவ்வொருவரும் இயேசு கிறிஸ்துவின் மறுஸ்தாபிதம் செய்யப்பட்ட சுவிசேஷத்தின் செய்தியைக் கேட்க தகுதியுள்ளவர்களாய் இருக்கிறார்கள்.”¹⁸

பிற்காலப் பரிசுத்தவான்களின் இயேசு கிறிஸ்து சபையின் உறுப்பினர்களுக்கு கர்த்தர் கட்டளையிடுகிறார் “உங்களுடைய ஒளி ஜாதிகளுக்கு ஒரு தரமாக இருக்கும்படி எழுந்து பிரகாசிக்கவும்; …சீயோன் தேசத்திலும், அவளுடைய பிணையங்களிலும் ஒன்றுகூடுவது, கோபத்திலிருந்தும் பூமியெங்கும் கலக்கப்படாமல் கொட்டப்படும் கோபத்திலிருந்து, ஒரு பாதுகாப்பிற்காகவும், புயலிலிருந்து தஞ்சமாகவும் இருக்கும்.”¹⁹

கர்த்தருடைய நாளில் ஜெப வீட்டிற்கு வாரந்தோறும் இதனால் நாம் “உலகத்திலிருந்தே [நம்மை] இன்னும் முழுமையாக கறைதிரையற்றவர்களாக காத்துக்கொள்ளும்படிக்கே” உடன்படிக்கையின் ஜனம் ஒன்றுகூடி வருகிறார்கள்.²⁰ இயேசு கிறிஸ்துவின் பாவநிவர்த்தியை நினைவுகூரும் விதமாக திருவிருந்து அப்பத்திலும் தண்ணீரிலும் பங்கெடுப்பதற்கான ஒரு கூடுகையாகவும், “சபை உபவாசிக்கவும் ஜெபிக்கவும், [நம்முடைய] ஆத்தும நலனைக்குறித்து ஒருவருக்கொருவர் பேசவும்” ஒரு நேரமாகும்.²¹ ஒரு இளைஞனாக, என் உயர்நிலைப் பள்ளி வகுப்பில் நான் மட்டுமே சபை உறுப்பினராக இருந்தேன். பள்ளியில் பல நல்ல நண்பர்களின் தொடர்பை நான் மிகவும் ரசித்தேன், ஆனாலும் ஆவிக்குரிய ரீதியாகவும், உடல் ரீதியாகவும் என்னைப் புதுப்பிக்கவும் ஒவ்வொரு வாரமும் இந்த ஓய்வுநாள் கூட்டத்தை நான் பெரிதும் நம்பியிருப்பதைக் கண்டேன். தற்போதைய தொற்றுநோய்களின் போது இந்த வழக்கமான உடன்படிக்கை கூடுகையின் வழக்கமான இழப்பை நாம் எவ்வளவு ஆர்வமாக உணர்ந்திருக்கிறோம், முன்பு போலவே மீண்டும் ஒன்றாக வரக்கூடிய நேரத்தை எவ்வளவு ஆவலுடன் எதிர்பார்க்கிறோம்.

அங்கு தனித்துவமாகக் கிடைக்கும் நியமங்கள், ஆசீர்வாதங்கள் மற்றும் வெளிப்பாடுகளைப் பெற உடன்படிக்கை ஜனம் ஆலயத்தில், கர்த்தருடைய வீட்டில் கூடுகிறார்கள். தீர்க்கதரிசி ஜோசப் ஸ்மித் போதித்தார்: “உலகின் எந்த யுகத்திலும்… தேவனுடைய ஜனத்தைக் கூட்டிச்சேர்ப்பதன் நோக்கம் என்ன? … கர்த்தருக்கு ஒரு வீட்டைக் கட்டியெழுப்புவதே பிரதான நோக்கமாக இருந்தது, இதன் மூலம் அவர் தம்முடைய வீட்டின் நியமங்களையும் அவருடைய ராஜ்யத்தின் மகிமையையும் வெளிப்படுத்தினார், ஜனங்களுக்கு இரட்சிப்பின் வழியைக் கற்பித்தார்; ஏனென்றால், அவை கற்பிக்கப்பட்டு நடைமுறைப்படுத்தப்படும்போது, அந்த நோக்கத்திற்காக கட்டப்பட்ட ஒரு இடத்தில் அல்லது வீட்டில் செய்யப்பட வேண்டிய சில நியமங்களும் கொள்கைகளும் உள்ளன.”²²

முடிவில், உடன்படிக்கைப் பாதையைப் பின்பற்றுவதில்தான், தேவனால் மட்டுமே கொடுக்க முடிகிற ஆபிரகாம், ஈசாக்கு மற்றும் யாக்கோபின் இரட்சிப்பின் மற்றும் மேன்மைப்படுதலின் நிறைவான ஆசீர்வாதத்தை சுதந்தரிக்கிறோம்.²³

உடன்படிக்கை ஜனத்தைப்பற்றிய வேத குறிப்புகள் பெரும்பாலும் ஆபிரகாமின் சந்ததியினர் அல்லது “இஸ்ரவேல் வீட்டார்” என்று பொருள்படும். ஆனால் உடன்படிக்கை ஜனங்களில் இயேசு கிறிஸ்துவின் சுவிசேஷத்தைப் பெறுபவர்களும் அடங்குவர்.²⁴ பவுல் விளக்கினான்:

“ஏனெனில், உங்களில் கிறிஸ்துவுக்குள்ளாக, ஞானஸ்நானம் பெற்றவர்கள் எத்தனைபேரோ அத்தனைபேரும் கிறிஸ்துவைத் தரித்துக்கொண்டீர்கள். …

“நீங்கள் கிறிஸ்துவினுடையவர்களானால், ஆபிரகாமின் சந்ததியாராயும், வாக்குத்தத்தத்தின்படியே சுதந்தரராயுமிருக்கிறீர்கள்.”²⁵

தங்கள் உடன்படிக்கைகளுக்கு விசுவாசமுள்ளவர்கள் “நீதிமான்களின் உயிர்த்தெழுதலில் வெளிவருவார்கள்.”²⁶ அவர்கள் “புதிய உடன்படிக்கையின் மத்தியஸ்தராகிய இயேசு மூலமாக பரிபூரணமாக்கப்பட்டுள்ளனர். … இவர்கள்தான் சிலஸ்டியல் சரீரங்களாக இருக்கின்றனர், அவர்களின் மகிமை சூரியனின் மகிமை, தேவமகிமை எல்லாவற்றிலும் உயர்ந்தது.”²⁷ “ஆகையால், வாழ்க்கை அல்லது இறப்பு, அல்லது தற்போதுள்ள விஷயங்கள், அல்லது வரவிருக்கும் விஷயங்கள் அனைத்தும் அவர்களுடையது, அவர்கள் கிறிஸ்துவினுடையவர்கள், கிறிஸ்து தேவனுடையவர்.”²⁸

உடன்படிக்கை பாதையில் தங்குவதற்கான தீர்க்கதரிசியின் அழைப்புக்கு, ஒரு ஜனமாக நாம் ஒவ்வொருவரும் செவிகொடுப்போமாக. நேபி நம்மையும் நமது காலத்தையும் பார்த்து பதிவு செய்தான், “நேபியாகிய நான், தேவ ஆட்டுக்குட்டியின் வல்லமை, ஆட்டுக்குட்டியின் சபையின் பரிசுத்தவான்கள் மீதும், கர்த்தருடைய உடன்படிக்கை ஜனத்தின் மீதும், இறங்கக் கண்டேன்; அவர்கள் பூமியின் பரப்பு மீதெங்கும் சிதறியிருந்தார்கள், அவர்கள் நீதியினாலும் தேவனுடைய வல்லமையினாலும் ஆயுதம் தரித்திருந்தார்கள்.”²⁹

நேபியுடன், “என் ஆத்துமா கர்த்தருடைய உடன்படிக்கைகளில் களிகூர்கிறது.”³⁰ இந்த ஈஸ்டர் ஞாயிற்றுக்கிழமை, நான் இயேசு கிறிஸ்துவைக்குறித்து சாட்சி அளிக்கிறேன், அவருடைய உயிர்த்தெழுதல் நமது நம்பிக்கையையும் உடன்படிக்கை பாதையின் முடிவில் வாக்குறுதியளிக்கப்பட்ட உறுதிமொழியாகும். இயேசு கிறிஸ்துவின், நாமத்தினாலே, ஆமென்.