របាយការណ៍ពីនាយកដ្ឋានសវនកម្មសាសនាចក្រប្រចាំឆ្នាំ ២០២៣
ជូនចំពោះគណៈប្រធានទីមួយនៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ
បងប្អូនប្រុសជាទីស្រឡាញ់ ៖ ដូចបានដឹកនាំដោយវិវរណៈនៅក្នុង គោលលទ្ធិ និងសេចក្តីសញ្ញា កណ្ឌទី ១២០ ក្រុមប្រឹក្សារៀបចំដង្វាយមួយភាគក្នុងដប់—ដែលមានគណៈប្រធានទីមួយ កូរ៉ុមនៃពួកសាវកដប់ពីរនាក់ និងគណៈប៊ីស្សពជាអធិបតី—អនុញ្ញាតលើការចំណាយមូលនិធិសាសនាចក្រ ។ ស្ថាប័នសាសនាចក្រទាំងឡាយបានចំណាយមូលនិធិស្របតាមថវិកា គោលការណ៍ និងនីតិវិធីដែលបានអនុម័ត ។
សវនកម្មសាសនាចក្រ ដែលមានពួកអ្នកជំនាញដ៏មានសមត្ថភាព ហើយឯករាជ្យពីនាយកដ្ឋាន និងស្ថាប័នសាសនាចក្រដទៃទៀតទាំងអស់ មានការទទួលខុសត្រូវធ្វើសវនកម្មក្នុងគោលបំណងផ្ដល់ការអះអាងបញ្ជាក់ដែលសមហេតុផល ទាក់ទងទៅនឹងការបរិច្ចាគដែលទទួលបាន ការចំណាយដែលបានទូទាត់ និងការការពារទ្រព្យសម្បត្តិរបស់សាសនាចក្រ ។
ដោយផ្អែកលើសវនកម្មដែលបានធ្វើឡើង នោះសវនកម្មសាសនាចក្រជឿជាក់ថា គ្រប់ទិដ្ឋភាពឯកសារទាំងអស់ ការបរិច្ចាគដែលទទួលបាន ការចំណាយដែលបានទូទាត់ និងទ្រព្យសម្បត្តិរបស់សាសនាចក្រសម្រាប់ឆ្នាំ ២០២៣ ត្រូវបានកត់ត្រា ហើយចាត់ចែងស្របតាមថវិកាដែលបានអនុម័តរបស់សាសនាចក្រ ការអនុវត្តផ្នែកគណនេយ្យរបស់សាសនាចក្រ និងគោលនយោបាយ ។ សាសនាចក្រធ្វើតាមការអនុវត្តដែលបានបង្រៀនដល់សមាជិកអំពីការរស់នៅតាមថវិកា ចៀសវាងពីបំណុល ហើយសន្សំទុកសម្រាប់ពេលចាំបាច់ ។
សូមដាក់ជូនដោយការគោរពដ៏ខ្ពង់ខ្ពស់
នាយកដ្ឋានសវនកម្មសាសនាចក្រ
យ៉ារ៉េឌ ប៊ី ឡាសិន
នាយកគ្រប់គ្រង