iTinitini ni Vosa

iVakatakilakila

Eda sa na mai vakacavara e dua na koniferedi totoka kemuni na taciqu kei na ganequ lomani. Eda sa mai vakamamautaki ka laveti cake. Eda sa mai vakauqeti ka laveti cake na noda vakavinavinakataka na kosipeli veivakurabuitaki oqo. Era a uasivi kece talega na sere, na ivunau kei na masu.

Eda sa na lesu tale ki na noda veivale. Kevaka me da na draiva me da qaqarauni. Me kua ni dua na ka ni veivakaleqai me vakaleqa na veika vivinaka eda sa mai sotava.

Na veika kece e yaco ena koniferedi oqo ena tabaki ena Ensign kei na Liaona ka na tarava mai. Keitou sa vakauqeti kemuni mo ni wilika tale mada na vosa ena gauna ni nomuni lotu vakamatavuvale ka veitalanoataka vakamatavuvale. Era vakarautaki rawa na veivosa oqori ena masumasu kei na vakatakekere ka na ganita vakavinaka me ra wiliki vakavinaka sara.

Sa na mai rube tu mada na koniferedi me ono na vula. Keitou sa na vakanamata me keitou na raici kemuni tale ena vula o Epereli ka tarava. Au sa yabaki 97, kau nuitaka niu na rawa ni tiko tale kina. Ena gauna oqo, sa noqu masu malumalumu kei na loloma me na salavata tiko kei kemuni na veivakalougatataki mai lagi, ena yaca ni noda Dauveivueti ko Jisu Karisito, emeni.