Nodra Tokoni na Vakaitutu ena Lotu

Au sa vakaraitaka yani vei kemuni oqo me baleta na nomuni tokoni ira ena laveliga na lewe ni Vakaitutu Raraba, Vitusagavulu ni iWasewase, kei na mataveiliutaki raraba ni veimataisoqosoqo ena Lotu. Ni bera o ya, au gadreva meu vakaraitaka raraba yani na nona sa mai takali o Peresitedi James E. Faust, na iKarua ni Daunivakasala ena Mataveiliutaki Taumada. E a turaga yalomatua dina, e dua sa tu vua na vakabauta kei na kila e cecere sara, ka sa bau cau vakalevu dina o koya ki na noda veisoqoni vakalotu. Ena dredre me da na guilecavi koya. Eda sa duavata ena rarawa kei Ruth, na nona daulomani, kei iratou na luvedrau.

Sa vakaturi oqo me da tokoni Gordon Bitner Hinckley me parofita, daurairai, ka dauvakatakila ka Peresitedi ni Lotu i Jisu Karisito ni Yalododonu Edaidai; Thomas Spencer Monson me iMatai ni Daunivakasala ena Mataveiliutaki Taumada; kei Henry Bennion Eyring me iKarua ni Daunivakasala ena Mataveiliutaki Taumada. O ira era tokona me ra vakaraitaka.

Ke dua e saqata me vakaraitaka.

Sa vakaturi me da tokoni Thomas Spencer Monson me Peresitedi ni Kuoramu ni iApositolo Le Tinikarua; Boyd Kenneth Packer me Peresitedi Vakatawa ni Kuoramu ni Le Tinikarua; kei ira oqo me ra lewe ni kuoramu o ya: Boyd K. Packer, L. Tom Perry, Russell M. Nelson, Dallin H. Oaks, M. Russell Ballard, Joseph B. Wirthlin, Richard G. Scott, Robert D. Hales, Jeffrey R. Holland, Dieter F. Uchtdorf, David A. Bednar, kei Quentin L. Cook.

O ira era tokona, me ra vakaraitaka.

Ke dua e saqata.

Sa vakaturi me da tokoni rau na daunivakasala ena Mataveiliutaki Taumada kei ira na iApositolo Le Tinikarua me ra parofita, daurairai, ka dauvakatakila.

O ira era tokona, me ra vakaraitaka.

Ke dua e saqata, me vakaraitaka vakakina.

Ena mataka nikua eda sa na vagalalataki iratou kina o Elders Charles Didier, Merrill J. Bateman, Robert C. Oaks, kei Quentin L. Cook mai na lewe ni Mataveiliutaki ni Kuoramu ni Vitusagavulu. E sa vakaturi talega me da vagalalataki iratou o Elder Merrill J. Bateman, Monte J. Brough, Gene R. Cook, Robert K. Dellenbach, kei W. Rolfe Kerr mai na lewe ni iMatai ni Kuoramu ni Vitusagavulu ka me ratou emeritesi Vakaitutu Raraba.

O ira kece era tokona sa kerei mo ni vakaraitaka.

Ena tomana tikoga o Elder Kerr na nona ilesilesi vaka-Komisina ni Vakarau ni Vuli ni Lotu (CES).

Eda sa na vagalalataki iratou tiko o Elder D. Rex Gerratt, Robert F. Orton, Wayne S. Peterson, R. Conrad Schultz, kei H. Ross Workman mai na lewe ni iKarua ni Kuoramu ni Vitusagavulu.

O ira kece era gadreva me ra vakaraitaka na nodra vakavinavinaka vei ira na Veitacini vakalotu oqo, mo ni vakaraitaka.

Sa vakaturi me da tokoni iratou o Elder Claudio R. M. Costa, Steven E. Snow, kei Walter F. González me ra lewe ni Mataveiliutaki ena Kuoramu ni Vitusagavulu.

O ira era tokona, me ra vakaraitaka.

Ke dua e saqata.

Sa vakaturi me da tokoni ira na lewe tale eso ni Vakaitutu Raraba, Vitusagavulu ni iWasewase, kei ira na mataveiliutaki raraba ni veimataisoqosoqo era sa vakatikori tu oqo.

O ira era tokona, me ra vakaraitaka.

Ke dua e saqata me vakaraitaka.

Sa kena irairai ni ra sa vakadonui ka tokoni taucoko. Vinaka vakalevu na nomuni veivakabauti kei na masu, na taciqu kei na ganequ. Ena gauna oqo eda sa sureti iratou kina o Peresitedi Eyring, o Elder Cook kei Elder González me ratou mai vakatawana na nodratou idabedabe e cake.