VUKEI IRA NA TANI ME RA LAKO MAI VUA

“I Sisita Hopkins, oqo ko iratou na le 10 na Sunbeam o na vakavulica tiko ena yabaki oqo,” e kacivaka na daunivakasala ena mataveiliutaki ni Lalai. Au se qai curu wale mai ki na Lotu, kau vakadinadinataka ni a vakarerei au na veikacivi oqo. Au na vakavulica rawa vakacava e dua na ka e se bera sara ni tudei na noqu vakadinadinataka? E na rawa vakacava niu qaravi ira e vica vata na gone kaukauwa vakaoqo? Ia erau a vakadeitaka vei au na bisopi kei na peresitedi ni Lalai niu na vakalougatataki ena noqu qarava na itavi veivakarerei vakaoqo.

Au kila ni dodonu meu usumaki au yani vakaukauwa ki na vulici ni kosipeli me rawa kina niu vakavuvulitaka, au sa mani wilika kina e veimacawa na ivolavakarau—e dua na ivurevure levu ni rarama vakosipeli—ka masulaka ka vakasamataka vakatitobu na sala e vakayagataki kina ena noqu bula kei na nodra na gone na ivakavuvuli oqo. Niu vuli ka veivakavulici, au rawata e dua na ivakadinadina me baleta na itutu vakalou eda sucu kaya mai ni da luve ni Kalou. Au kila na keda yaga kei na duidui ni veiyalo yadua. Na veilesoni rawarawa ni Lalai e sega walega ni serau mai kina na matadra na Luvena talei, ia sa kadre mai kina na sore ni ivakadinadina au a rawata ena gauna au a curuma kina na wai ni veipapitaisotaki.

Na yabaki talei o ya ena Sunbeam sa vakavuna na noqu vakavinavinaka tawamudu ena vuku ni dua na ilesilesi ka a veisautaka na noqu bula. Au a veisau, me vakataki ira na gone, ena ivakavuvuli nei Jisu Karisito.