SEGATA MO YACO MO VAKATAKI KOYA

Au lomana na Turaga ena vu ni yaloqu. O koya na noqu itokani. Au kila ni ena Vukuna, sa rawa kina meu vosoti.

Na kosipeli kei na noqu ivakadinadina me baleti Jisu Karisito sa vukei au meu dua na tina, marama vakawati, sisita, ka itokani vinaka cake. Ena vuku ni noqu ivakadinadina, au sa tovolea tiko meu bula me vaka na ka e vinakata vei au Kalou—ena yalodina, dau dina, yalovinaka, dauloloma, dauvosota, kei na yalololoma, dau raici ira na tani me vaka ni ra luvena na Kalou ka dau veiqaravi ena gauna e gadrevi kina. Ena noqu tovolea tiko meu bulataka e dua na bula Vakarisito, au nuitaka ni ra na vinakata na tani me ra vulica na veika me baleti Koya.