BULATAKA NA NONA IVAKARO

Ko Jisu Karisito na sala dina, na Madrai ni Bula. Sai koya sa solia na totoka ki na ka kecega sa buli me yaga ki na nodra bula na tamata. Sai Koya sa cecere duadua vei ira na ibulibuli kece sara ni ligana na Kalou, na Luvena e Le Duabau ga vakayago ka Ulumatua vakayalo. Ena Vukuna sa vakaraitaka kina na Tamana na Nona loloma levu vei keda kecega.

Ena noqu bula taucoko au sa ciqoma e vuqa sara na veivakalougatataki ena noqu vakabauti Jisu Karisito ka vakabibi cake na Veisorovaki tabu—na nona cakacaka cecere duadua na Turaga. Au tovolea meu vakaraitaka na noqu lomani Koya ena noqu bulataka na Nona ivakaro.

Ena gauna oqo keirau sa matataki Jisu Karisito tiko kei na watiqu, keirau veiqaravi tiko vakadaukaulotu tudei Vua. Sa dua na reki vakasakiti na noda vunautaka na kosipeli i Jisu Karisito ka sureti ira na tamata me ra lako mai vei Koya ka ciqomi Koya me nodra iVakabula.