BULA ME VAKARAITAKA NA NONA IVAKAVUVULI

Au a taura e dua na lesoni me baleta na yaga ni ivakaraitaki ena ikalima ni noqu yabaki ena vulici ni veika vakatamata. Ena veigauna kece e dau curu mai kina ki na valenivuli na qasenivuli, ena dau raica e dua na kena iyaloyalo—ka ra droinitaka eso na noqu lewenikalasi—ena papaloaloa. Ena veigauna kece ena dau kerea na parofesa me boko laivi na droini. Ia, e sega tale ni bau dau tukuna kina e dua na ka.

A vakauqeti au na nona ivakarau yalomalumalumu na parofesa, kau sa mani lomatarotaro kina se na matalotu cava mada e lewena. Au qai kila ni lewena o koya Na Lotu i Jisu Karisito ni Yalododonu Edaidai.

Au sa mani lewa meu rogoca na lesoni mai vei rau na daukaulotu, kau mani papitaiso ena ika 10 ni Sepiteba, 2000. Na tamata ka a vakaraitaka oqo vei au e dua na ivakaraitaki ena ivakarau ni nona bula sai koya na peresitedi ni noqu tabana.

Au vakadinadinataka ni sa noda ivakaraitaki levu duadua o Jisu Karisito. Na sala eda na bula vinaka kina na Yalododonu Edaidai sai koya na noda vakatotomuri Koya. Ia eda rawa talega ni veivakavulici ena ivakaraitaki.