VAKANAMATA KI NA TUCAKETALE

Ni sa lesu tale vei Tamada Vakalomalagi na watiqu lomani, a gadrevi ena neitou matavuvale me keitou vaqara e dua na vanua veiganiti me bulu kina. Niu vakayacora tiko vakakina, au a sotava na veisaqasaqa niu vinakata me volai na vosa na vanua ni vakacegu ena vatu ni bulubulu. Na malanivosa oqori e sega ni sala vata kei na lawatu ni vanua ni veibulu oqo.

Sa mani yaco kina e dua na veiqalisominiwai dredre. Ena dua na gauna sa taroga na italatala ni lotu e taukena na vanua ni veibulu na malanivosa. Au a wasea kina na noqu ivakadinadina niu vakabauta na kena na tucaketale na yago, kau cavuta kina na vosa ni iVakabula: “Ni sa yaco mai na gauna era na rogoca kina na domona ko ira kecega ena ibulubulu, ka ra na lako mai kina ko ira sa ivalavala vinaka, era na tucake tale me ra bula” (Joni 5:28–29). Au vakadinadinataka ni ibulubulu oqo sa noda ivakavakacegu vakatabui me yacova na Tucaketale.

A mani vakauqeti kina na italatala oqo me vakatura e dua na ka: “Me volai ena vatu ni ibulubulu na veimalanivosa oqo: ‘Era sa vakacegu tiko eke na matavuvale na Bohne kei na Lehmann me ra waraka kina na Tucaketale.’” Sa mani vakayacori vakakina. Ia oqori, sa ceuti kina ena vatu na noqu ivakadinadina.