AU VAKILA NIU DUSIMAKI

Niu veiqaravi voli vakadaukaulotu e Nowei niu se cauravou, a kacivi keimami vata na daukaulotu na peresitedi ni kaulotu ka tukuna vei keimami ni sa kerei mai me keimami lagasere ena rua na iwasewase ni soqoni ena kena vakatabui ena 1958 na Valetabu mai Lodoni e Igladi. Au a kerei meu na tabaka na ivakatagi.

Ni keimami yaco yani ki na valetabu, au qai kila ena dela ni kurabui niu na vakatagitaka tiko e dua na oqani ka sega ni piano. Au sega vakadua ni bau kila na mataqali oqani vakaoqo, au mani kerea kina ke rawa ni dua e vukei au me biuta na oqani ena kena rorogo dodonu. A rogoca na Tamada Vakalomalagi na noqu vakatakekere, ka lako mai e dua na marama me vukei au ka vakarautaka na oqani me baleta na ivakatagi malumu ni curu mai ka vakakina me veitomani ena lagasere.

Ena loma ni noqu nuiqawaqawa, au vakila ni lutuki au mai e dua na yalo vakacegu. Ia niu vakatagitaka na oqani kau sega mada ni se bau vakatovotovo kina, au vakila na nona loloma na iVakabula ni dusimaki au voli. Ni oti e dua na sere e lagata na matasere, a raici peresitedi ni kaulotu o Peresitedi David O. McKay ka kaya, “Daumaka.” A luvuci na lomaqu ena ivakarau keimami vakalougatataki kina ena neimami vakaitavi. E sega sara ni basika e dua na kena leqa.

Ko Jisu Karisito na Luve ni Kalou, na Le Duabau ga nei Tamana. Sai Koya na Mesaia Savasava, na Tui ni Sautu. E bula tiko o Koya ka na lesu tale mai.