KOI AU E DUA NA YALODODONU EDAIDAI

Ni se qai yabaki lima o Nicolás na luvei keirau tagane, a lako ki na dua vei ira na koronivuli vinaka duadua ena neitou koro levu. E cicivaka tiko na koronivuli oqo e dua tale na lotu. A ciqomi o Nicola e dina ga ni sega ni lewena na lotu o ya.

Ena dua na siga a kauti Nicolás ki tautuba e dua na iliuliu ni koronivuli kei na lotu me taroga se cava e sega ni vakaitavi kina ena lotu ni koronivuli.

E kaya o Nicolás, “O au e dua na Yalododonu Edaidai.”

A tovolea na tamata o ya me veisautaka na vakasama nei Nicolás, ka kaya ni lotu kece era tu kina na dina ka vakabauti Jisu Karisito.

A sauma o Nicolás, “Erau vakavulici au na noqu itubutubu meu vakarokorokotaka na nomu lotu, ia au taleitaka niu dua na Yalododonu Edaidai.” A ciqoma na turaga oqori na isau ni taro o ya ka sega tale ni vakasosataki koya vakadua.

O Nicolás e dua na ivakaraitaki vinaka, vei rau sara mada ga na nona itubutubu, ena nona muria na ivakaraitaki nei Jisu Karisito.