VEIYALAYALATI ME TALAIRAWARAWA KA MURI KOYA

Au sa yabaki 60, sa lala tu na noqu taga, ka vakamadua na noqu bula. Au vakabauta ni bula e ka ga meu marautaka. Au lakosese voli, a bobo voli na mataqu, ka qai dolava o Jisu Karisito.

Na noqu papitaiso, vakadeitaki, kei na veiyalayalati au vakayacora vata kei Jisu Karisito sai koya na cakamana ka veisautaka vakadua na noqu bula. Au kila na veika e rawa niu rawata kei na veika e bibi vei au. Oqo au sa tamata mamarau baleta niu kilai Jisu Karisito.

Au sega sara ni bau vakasamataka ni na yaco me lewena na Lotu, ena dua na gauna e dua na tamata vakavuravura me vakataki au, e dua na matabete, ka peresitedi ni tabana. Sa dua na isolisoli levu vei au meu qaravi Jisu Karisito, na noda iVakabula.