E LOMANI KEDA KO JISU

Ena dua na siga au a dabe tiko ena idabedabe dakoba ka vakarorogo tiko ki na dua na peleti ni ivakatagi. Ka qai vakatagitaki mai kina na serenilotu na “Me’u Vuli Me’u Dau Muri Jisu Tu” (Serenilotu, naba 66), au vakasamataka na nona isoro ko Jisu Karisito me baleti keda yadua. Au nanuma lesu na Nona loloma, na yalomalua, kei na yalololoma, kau vakila ni vakasinaiti na yaloqu ena vakavinavinaka. Sa vakadinadinataka vei au na Yalo ni Turaga ni lomani au na iVakabula.

A dabe toka e yasaqu na luvequ tagane yabaki rua, ka vakasarava toka na iyaloyalo kei Jisu Karisito. A vakila talega e dua na ka baleta ni a raici au cake mai ka kaya, “Nana, e lomani iko ko Jisu!”

E tiki ni noqu bula kei na bula ni noqu matavuvale ko Jisu Karisito. Sa dau tu ena noqu vakanananu kei na yaloqu. Sa veisautaka na noqu bula na nona kosipeli.