NA NONA IMOKO NI LOLOMA NA IVAKABULA

Au sa dau sotava ena noqu bula taucoko na yalo druka, niu sega ni vinaka sara. Au sa qai raica rawa ka kila ni kosipeli i Jisu Karisito e iwali ni yalo vakaoqori.

Ena vuku ni Veisorovaki, sa kila kina na iVakabula na noqu leqa, ka sa vakacegui au ena Nona Yalo Tabu. E kila na noqu malumalumu, ka sa vukei au meu lako sivita. Sa sega sara ni biuti au meu tu duadua ga, ia sa vakaukauwataki au ka vakalevulevuya na yaloqu.

Au na sega beka ni vinaka ena rai vakavuravura, ia au vakila niu yaga, ka kilikili, ka lomani niu cakava na veika au rawata meu bulataka na ivakavuvuli i Jisu Karisito.