TIKO E YASANA

A dodoka mai vei au na Turaga na ligana rauta ni lima na yabaki sa oti, ka veisautaka na noqu bula na kosipeli. Au vakavinavinaka kina ena Nona Veisorovaki, au sa vueti mai na veidigidigi ni veigauna sa oti ka rawa kina me vakasinaiti na yaloqu ena cakamana ni veivosoti.

Sa dau tomani keda ka vakaukauwataki keda ko Jisu Karisito ena veisiga yadua kevaka e kilikili tu na noda bula. E sega walega ni bokoci ka guilecavi na noda ivalavala ca, ia ena seraka mai na noda bula vakayadua ka vakakina na bula vakacakacaka na Nona rarama.

O Koya na noda iVakabula, na Luve ni Kalou. Na Nona loloma e sega ni vakaiyalayala. Kevaka eda bula me vaka e vinakata vei keda o Koya, eda na wasea na Nona loloma ka tu vei keda na inuinui ni da na lesu tale ka laki bula vata kei Koya ka vakakina na Tamada Vakalomalagi me tawamudu.