KUNEA NA MARAU MAI VEI JISU KARISITO

E kaya ko Jisu, Oi au na sala, kei na vu ni dina, kei na vu ni bula“ (Joni 14:6). E sega tale na vosa e vinaka cake mai na Nona me vakamacalataki kina na noqu ivakadinadina.

Au sa vulica na vosa, na filosofi, na itukutuku makawa me rawa kina e dua na diqiri kau sa kila ni veivakasama cecere, na ivakamacala, kei na veika vakabisinisi era vakaiyalayala ga. Sa vakakina ena sega ni rawa ni vakadeitaka e dua na tama vakavuravura na vakacegu, na vuku, se na tawamudu vua sara mada ga na luvena dina.

Ia, sa tukuna tu ki vuravura na Tamada Vakalomalagi ena noda muria na sala nei Karisito, ka vakatotomuria na Nona ivakaraitaki, talairawarawa ki na Nona dina sa vakatakilai mai, sa rawa kina ni da rawata na marau dina ena bula oqo. Ka vakakina ni oti na bula oqo—ni da sa lesu tale ki na Nona iserau na Tamada Vakalomalagi—sa rawa ni da rawata na marau tawayalani vata kei Koya.