WILIKA NA NOQU KALOUGATA
Au sa lewena tu mai na Lotu ena loma ni 15 na yabaki. Ena veiyabaki oqori sa tu kina na veivakatovolei kei na veika dredre. Ia e vuqa cake sara na vuna me da tekiduru kina ka vakavinavinaka vua na Kalou me baleta na Nona loloma cecere.
Me vaka e kaya na serenilotu:
Ke ra veivorati na meca eso,
Kua ni yalolailai; ni Kalou qaqa.
Nomu kalougata mo wilika ga,
Ena vukei iko tikotikoga.
(“Wilika na Nomu Kalougata,” Serenilotu, naba 8)
Ena veigauna kece e rawa kina vei au, au dau kacivaka ni rawa ni da kunea na reki ena bula oqo kei na taucoko ni reki ena tawamudu. Au vakadinadinataka ni vakarautaka na Kalou me da rawa ni rawata, kau vakavinavinaka vua na iVakabula, ni sa rawa me da bula vata kei Rau me tawamudu.