Taimi Feʻinasiʻakí
ʻOku Folofola mai ʻa e ʻOtuá ʻi Heʻene Kau Palōfitá
Te ke ʻilo fēfē nai ʻa e meʻa ʻe folofola atu ʻaki ʻe he Tamai Hēvaní kiate koé kapau naʻá Ne ʻi heni? ʻOku folofola ʻa e ʻOtuá ʻo fakafou mai ʻi ha palōfita he ʻahó ni ʻo hangē pē ko ia naʻá Ne fai ʻi he kuo hilí. ʻOku akoʻi atu ʻe he palōfitá—Palesiteni Tōmasi S. Monisoni—ʻa e ngaahi meʻa ʻoku finangalo ʻa e Tamai Hēvaní ke ke ʻilo mo fai pea mo aʻusiá. ʻOku tāpuekina koe ʻi he taimi ʻokú ke fakafanongo ai mo muimui ʻi he palōfitá. ʻOku tokoniʻi kitautolu ʻe he ngaahi fakahinohino ʻa Palesiteni Monisoní ke tau hoko ʻo hangē ko Sīsū Kalaisí.
Ko ha ngaahi meʻa ʻeni te ke lava ʻo ʻilo mei he meʻa ne meʻa ʻaki ʻe Palesiteni Monisoní. Te ke lava ʻo ʻilo ʻoku ʻofa ʻiate koe ʻa e Tamai Hēvaní. Naʻe pehē ʻe Palesiteni Monisoni: “ ʻOku ou fakapapauʻi atu ʻoku tokaimaʻananga ʻa ʻetau Tamai Hēvaní ki he ngaahi faingataʻa ʻoku tau fehangahangai mo ia ʻi he māmaní he ʻaho ní. ʻOkú Ne ʻofa ʻiate kitautolu takitaha pea te Ne faitāpuekina kitautolu ʻi heʻetau feinga ke tauhi ʻEne ngaahi fekaú mo fekumi kiate Ia ʻi he lotu.]”1
Te ke lava ʻo ʻilo ko Sīsū Kalaisí ko hotau Fakamoʻuí ia. Naʻe pehē ʻe Palesiteni Monisoni: “ ʻOku moʻui ʻa e ʻOtuá. Ko Hono ʻAló ʻa Sīsū. … Ko hotau Huhuʻí Ia. … ʻOkú Ne ʻofa ʻiate kitautolu. … Naʻá Ne foaki ʻEne mouí maʻatautolu.”2
Te ke lava ʻo ʻilo ʻa e founga ke ke tokoni ai ki ho fāmilí. Naʻe pehē ʻe Palesiteni Monisoni: “ ʻOfa ke tau … fakahā ha angalelei mo ha ʻofa ki hotau ngaahi fāmili pē ʻo kitautolú.”3
Te ke lava ʻo ʻilo e founga ke ke tokoni ai ki he māmani ʻokú ke moʻui aí. Naʻe pehē ʻe Palesiteni Monisoni: “ ʻOfa ke tau hoko ko ha kau tangataʻifonua mo e fefineʻifonua lelei ʻo e ngaahi puleʻanga ʻoku tau nofo aí pea ke tau hoko ko ha ngaahi kaungāʻapi lelei ʻi hotau tukui koló pea tau tokoni ʻi he ʻofa ki he niʻihi ʻoku ʻikai ke tatau ʻetau tuí pea pehē foki ki hotau kāinga ʻi he tuí.”4
Tohinoa Folofola Māʻasi 2010
Lau ʻa e Luke 1:70 ʻi he Fuakava Foʻoú.
Lotu ʻo kole ki he Tamai Hēvaní ke tokoni atu ke mahino ʻa e potu folofola ko ʻení mo ke ʻiloʻi ʻoku moʻoni. Lotu ke ke ʻilo ko Palesiteni Tōmasi S. Monisoní ko e palōfita ia ʻo e ʻaho ní.
Ako maʻuloto ʻa e potufolofola ko ʻení.
Fai ha taha ʻo e ngaahi ʻekitivitī ko ʻení, pe faʻu haʻo ʻekitivitī pe ʻaʻau:
-
Fai ʻa e ʻekitivitī ʻi he peesi 69. Kosiʻi ha fanga kiʻi ava ʻi he laine motumotú; pea toki kosi mo e ngaahi konga pepa lōloá, ʻo fetuiaki kinautolu ʻi lalo he ngaahi fakatātā ʻo e kau palōfitá ke feʻunga hake ʻa e ngaahi potu folofolá mo e ngaahi fakatātaá. Kumi ʻa e ngaahi potufolofolá ke ʻilo ʻa e hingoa ʻo e kau palōfitá. Hiki ʻa e hingoá ʻi he ngaahi laine ʻoku ʻataá.
-
Vakai ki he ngaahi fakatātā ʻo e kau palōfitá he peesi 69. Aleaʻi mo ho fāmilí ʻa e ngaahi akonaki ʻa e kau palōfita ko ʻení.
-
Lau ʻa e ngaahi kupuʻi lea ko ʻení pe ko ha meʻa kehe pē ne akoʻi ʻe he kau palōfitá:
-
“Kumi ha taha ʻoku faingataʻaʻia, … pea fai ha mea maʻanautolu.”5—Palesiteni Thomas S. Monson
-
“ ʻOua naʻa teitei ngalo ke ke lotu. Tūʻulutui ʻi he pō mo e pongipongi kotoa pē.”6
—Palesiteni Gordon B. Hinckley (1910–2008) -
“ ʻOfa ke tau lau kotoa ʻa e Tohi ʻa Molomoná ʻi he faʻa lotu, ako fakalelei ia, mo maʻu ha fakamoʻoni ki hono fakalangí.”7 —Palesiteni Spencer W. Kimball (1895–1985)
ʻOku founga fēfē ʻene tokoni ʻa e meʻa ne ke faí ke mahino kiate koe Luke 1:70?
Hiki ʻi hoʻo tohinoá pe tā ha fakatātā fekauʻaki mo e meʻa naʻá ke faí.