Fakamālō atu ki he “Suka Pītí mo e Mahuʻinga ʻo e Laumālié” (Tōmasi S. Monisoni, Siulai 2009, 2). Naʻá ku fakaʻaongaʻi ʻa e fakamatalá ke u ako fakafoʻituitui ai, pea naʻe tokoni lahi ʻaupito kiate au. ʻOku ou ʻilo ʻe lava pē ke faingataʻa ʻa e ngāue fakafaifekaú, ka ʻoku toe fakamānako pē foki mo ʻaonga. ʻOku ou saiʻia ke mamata ki he liliu ʻa e kakaí ʻi heʻenau ʻalu hifo ki he vai ʻo e papitaisó. Naʻe ueʻi au ʻe he talanoá ni ke u ngāue mālohi, he ko e kī ia ki he lavameʻá. ʻE tokoni ʻa e ngaahi meʻa kuó u ako ʻi he Liahoná ke u hoko ai ko ha faifekau lelei ange.

Fakamālō atu ki he Liahoná, kuó u maʻu ha loto lahi ke tuʻu maʻu ʻi he ongoongolelei ʻo Sīsū Kalaisí. ʻOkú ne fakamālohia ʻeku fakamoʻoní mo tokoniʻi au ʻi heʻeku ngaahi palopalemá. ʻOku tokoni ʻa e ngaahi akonaki ʻoku maʻu ʻi he makasiní ke tau maʻu ai ha kihiʻi ʻata ʻo e fiefia taʻengatá.