ʻŪ Kaati Fakamamafaʻi ʻo e Konifelenisí
Te ke lava ‘o kosi pea toʻo ʻo fakaʻaongaʻi e ʻū kaati ko ʻení ke fakamanatuʻi atu e ngaahi meʻa naʻá ke ako ʻi he konifelenisi lahí.
“ʻE hoku ngaahi kaungāmeʻa kei talavou … , fakakaukau maʻu pē ki he temipalé. ʻOua naʻá ke fai ha meʻa te ne taʻofi koe mei haʻo hū atu ʻi hono ngaahi matapaá ʻo maʻu ʻa e ngaahi tāpuaki toputapu mo taʻengata aí.”
Palesiteni Thomas S. Monson
“Ko e meʻa ko ia ʻe hā hangē ha fanga kiʻi fili īkí, ʻe tataki koe ai ʻe he ʻEikí ki he fiefia ʻokú ke fie maʻú. ʻE fakafou ʻi hoʻo ngaahi filí ʻa ʻEne malava ke Ne faitāpuekina ai mo ha toko lahi kehe.”
Palesiteni Henry B. Eyring, Tokoni ʻUluaki ʻi he Kau Palesitenisī ʻUluakí
“ʻOua naʻa tuku ha ʻaho ke ‘alu ʻoku teʻeki ai ke ke ngāue ʻo fakatatau mo e ngaahi ueʻi ʻa e Laumālié.”
Palesiteni Dieter F. Uchtdorf, Tokoni Ua ʻi he Kau Palesitenisī ʻUluakí
“Kuo mou haʻu ki he māmaní ʻi he kuongá ni, … pea kuo ala mai e toʻukupu ʻo e ʻEikí ke teuteuʻi ʻa māmani ki Heʻene toe hāʻele nāunauʻia maí. Ko e kuonga ʻeni ʻo e ngaahi faingamālie maʻongoʻongá mo e ngaahi fatongia mahuʻinga. Ko homou kuongá ʻeni.”
ʻEletā Neil L. Andersen ʻo e Kōlomu ʻo e Kau ʻAposetolo ʻe Toko Hongofulu Mā Uá
“Ko ha meʻa nāunauʻia ke hoko ko ha Kalisitiane pea ke moʻui hangē ha ākonga moʻoni ʻa Kalaisí.”
ʻEletā L. Tom Perry ʻo e Kōlomu ʻo e Kau ʻAposetolo ʻe Toko Hongofulu Mā Uá.
“ʻOku tau lava ke fakakaungāmeʻa mo kinautolu ʻoku tau tokoniʻí ʻi heʻetau angaʻofá mo e fie tokoní. ʻOku tau maʻu ha mahino lelei ange ki heʻetau mateakiʻi ʻo e ongoongoleleí mei he ngaahi feohi fakakaumeʻa ko ʻení pea mo ha holi ke ako lahi ange fekauʻaki mo e Siasí.”
ʻEletā M. Russell Ballard ʻo e Kōlomu ʻo e Kau ʻAposetolo ʻe Toko Hongofulu Mā Uá
“ʻOku ʻikai ke tau lava ʻo mamata ki heʻetau Tamai Hēvaní, ka te tau lava ʻo fanongo ki Hono leʻó ke ne ʻomi e mālohi ʻoku tau fie maʻú ke tau matuʻuaki e ngaahi faingataʻa ʻo e moʻuí.”
Jean A. Stevens, Tokoni ʻUluaki ʻi he Kau Palesitenisī Lahi ʻo e Palaimelí
“ʻOku ʻikai ke mou tuēnoa! … ʻI hoʻomou tauhi hoʻomou ngaahi fuakavá, ʻe tataki mo maluʻi kimoutolu ʻe he Laumālie Māʻoniʻoní. ʻE ʻākilotoa kimoutolu ʻe he kau ʻāngeló.”
Elaine S. Dalton, Palesiteni Lahi ʻo e Kau Finemuí