Ngaahi Fakakaukau Maʻá e Efiafi Fakafāmili ʻi ʻApí
ʻOku ʻi he makasini ko ʻení ha ngaahi fakamatala mo ha ngaahi ʻekitivitī ʻe lava ke fakaʻaongaʻi ki he efiafi fakafāmili ʻi ʻapí. Ko ha ngaahi sīpinga pē ʻeni ʻe niʻihi.
“Kamata Leva,” peesi 42: Ke hoko ko ha konga ʻo e lēsoní, fakakaukau ke fai e foʻi vaʻinga ko ia ko e Simon Says ke fakatātaaʻi ʻaki ʻa e tatali ki ha taha ke ne tala atu kiate koe ke ke ngaué. (Ke fakahoko e vaʻingá, ʻe lea ha taha ʻo pehē, “Simon says …” pea tala ki he niʻihi kehé ke fai ha faʻahinga ngāue, hangē ko e hiki e nimá ki ʻolungá. ʻOku hokohoko atu pē ʻe he tokotahá ni he foungá ni peá ne feinga ke fai ʻe he niʻihi kehé ha ngāue ʻoku ʻikai ke ne lea ʻaki kimuʻa ʻa e, “Simon says.” Hangē ko ʻení: “Simon says hiki ho nimá. Simon says pasipasi. Fakapatū ho vaʻé.”) Fai haʻo fakamoʻoni ki ha taimi kuo tataki ai koe ʻi hoʻo ngaʻunu ki muʻá.
“Ko e Talí ʻi he Veesi Valú,” peesi 50: Lau fakataha ʻa e fakamatalá pea toki lau ʻa e Sēmisi 1:8. Aleaʻi ʻa e ʻuhinga ʻo e lotolotouá. Mahalo pē te ke fie lau foki ʻa e Mātiu 6:24 mo e Sosiua 24:15. Ko e hā ʻoku akoʻi mai ʻe he fakamatala ko ʻení ʻo kau ki he ngaahi fehokotaki ʻo ʻetau ngaahi filí mo e ngaahi holí? Ko e hā ʻokú ne akoʻi mai kiate kitautolu ʻo kau ki heʻetau Tamai Hēvaní? Ko e hā ne fai ʻe ʻEniselika ke maʻu e ngaahi tali ki heʻene ngaahi fehuʻí? Fakakaukau ke fakamoʻoni ki he mahuʻinga ʻo e ako folofolá mo e lotú.
“Ko e Uiuiʻí,” peesi 68: Tala ʻa e talanoá ni. Fakakaukau ke aleaʻi ʻa e founga ʻoku ola lelei ai ʻa e ngaahi talēniti ʻo e kau mēmipa ʻi ho fāmilí ʻi he niʻi hi kehé ʻo fakafou ʻi he ngāue tokoni mo e ngaahi uiuiʻi ʻa e Siasí. Fai ha tukupā ke ako pe fakatupulaki ha talēniti pe pōtoʻi ngāue.