Fakataha ʻo Taʻengata
“Pea te ne liliu ʻa e loto ʻo e ngaahi tamaí ki he fānaú, pea mo e loto ʻo e fānaú ki heʻenau ngaahi tamaí” (3 Nīfai 25:6).
-
Naʻe fakaafeʻi ʻe ʻOlivia ʻene kuifefiné ke na ō ki he ʻoupeni hausi ʻo e temipale naʻe ofi ange ki honau ʻapí kimuʻa pea toki fakatapuí.
ʻE Kuifefine ʻoku ou fiefia hoʻo haʻu ke tau ō ki he ʻoupeni hausí.
Mālō hoʻo fakaafeʻi aú. Talu e mālōlō hoʻo kuitangatá mo ʻeku kiʻi taʻelata.
ʻOku ou ʻofa mo au ki ai.
-
ʻI he hoko pē ho taʻu 12, te ke haʻu ki heni ʻo fakahoko e papitaiso maʻá e kau pekiá.
ʻOku ou fiefia lahi.
-
Talamai ʻe he Fineʻeikí ʻokú na tui vala hina ʻi he taimi ʻokú na haʻu ai mo e Tangataʻeikí ki he temipalé.
Ko e moʻoni.
-
ʻE fakahoko e ngaahi silá he loki ko ʻení. Tuʻu ʻi muʻa he sioʻata ko ʻení ʻo sio ki he tafaʻaki ʻe taha ʻo e lokí. Ko e hā e meʻa ʻokú ke sio ki aí?
Hangē ʻoku tau hokohoko atu pē ʻo aʻu ki he taʻengatá.
Hangē pē ko hotau fāmilí, ko ia? Te tau toe sio foki ki heʻeku Kuitangatá ʻi ha ʻaho.
ʻOkú ke moʻoni. Kapau te tau tauhi e ngaahi fekaú, ʻe lava ke tau fakataha mo hoʻo Kuitangatá pea mo hotau fāmilí he kuo ʻosi silaʻi kitautolu ʻi he temipalé.
-
Naʻe muimui atu ʻa ʻOlivia mo ʻene Kuifefiné ʻi he tokotaha takimamatá ki he loki silesitiale ʻo e temipalé.
ʻOku ou saiʻia he ongo ʻoku maʻu hení. ʻOku ou ongoʻi fiefia.
Mo au pē.
-
ʻOku ou ʻofa he temipalé. ʻI heʻeku fuʻu lahi angé, ʻe ʻi ai e ʻaho te u toe foki mai ʻo mali ʻi heni. ʻOku ou fiefia ʻoku lava ke fakataha hotau fāmilí kotoa ʻo taʻengata—ʻo aʻu ki heʻeku Kuitangatá.
Ko ia. ʻOku ou fakamālō koeʻuhi ko e temipalé, ʻoupeni hausí, pea mo koe.
Ngaahi tā fakatātā ʻa Scott Peck