ʻOku ou fakaʻaongaʻi mo hoku husepānití ʻa e Liahoná ki he efiafi fakafāmili ʻi ʻapí. Kuo hoko ia ko ha aʻusia langaki moʻui. ʻOkú ma fekumi he ngaahi pōpoaki mei he Kau Palesitenisī ʻUluakí ki ha ngaahi lea fakalaumālie ke tokoniʻi kimaua ʻi homa ngaahi faingataʻaʻia fakaʻahó. Ko ia ai ʻokú ma fakamālohia ʻa e ngaahi fakavaʻe ʻo ha ʻapi mo ha nofomali ʻoku makatuʻunga ʻi he Fakamoʻui ko Sīsū Kalaisí.

Kuo fakamālohia moʻoni au ʻe he ngaahi pōpoaki ʻo e Liahoná, tautautefito ki he taimi naʻe mālōlō ai ʻeku faʻeé. Naʻa mo e uhouhonga ʻo ʻeku mamahí, ʻoku ou kei fiefia pē ke kau atu he ngāue maʻongoʻongá ni pea maʻu ʻa e ngaahi tāpuaki kotoa ʻo e ongoongoleleí ʻi heʻeku moʻuí. ʻOku ou ʻilo kapau te u kātaki ki he ngataʻangá te u lava ʻo toe fakataha mo ʻeku faʻeé.