Ko ha ʻAho Paionia ʻi Tahiti
ʻOku saiʻia e fānau ʻo e Siteiki Papeʻete Tahití he kau paioniá! Naʻa nau fakataha mai mo ʻenau mātuʻá ki ha ʻekitivitī fakasiteiki ʻo e ʻAho Paioniá ke fakalāngilangiʻi e kau paionia ne nau fononga ki he Teleʻa Sōlekí ʻi he 1847.
Naʻe faʻu ʻe he uooti takitaha ha saliote paionia—naʻe faʻu ʻaki e niʻihi ha ngaahi vaʻe pasikala pea taha ʻaki ha fanga hoosi naʻe faʻu ʻaki ha papa fefeka. Naʻe laka ʻa e fanaú, fai e ngaahi vaʻinga fakapaioniá, mo nau ifoʻia hono kai e meʻakai ifó.
Ko ha ʻaho makehe foki ʻa e ʻAho Paioniá ke manatua ai ʻa e kakai ʻi he fonua kotoa pē ʻoku nau tali ʻa e ongoongoleleí mo tokoni ki hono akoʻi ia ki he niʻihi kehé. Ko e kau paionia kotoa foki mo e kakai ko ʻení!
Naʻe tui ʻe he fāmili ko ʻení ha ngaahi tatā, ʻēpani, mo e ngaahi talausese naʻe lanu tatau.
Naʻe toho ʻe he fānau tangata ko ʻení ʻa e saliote fakafale honau uōtí ʻi he laká.
Naʻe tui ʻe ha niʻihi ʻo e fānau fefiné ʻa e piva mo e tatā ʻo e kau paioniá.
Naʻe tui ʻe ha niʻihi ʻo e fānau tangatá ʻa e tatā mo e holoholo.
ʻŪ taá naʻe fai ʻe Michael Moody