Ko Hono Lolomi ʻe Sīsū ʻa e Matangí

Lolotonga e folau ʻa Sīsū mo ʻEne kau ākongá ʻi ha vaka ʻi ha ʻaho ʻe taha, ne tō ha matangi mālohi.

Naʻe fasi e ngaahi peaú. Mālohi mo e havilí. Ne ilifia e kau ākongá naʻa ngoto ʻa e vaká.

Naʻe kumi leva ʻe he kau ākongá ʻa Sīsū. Naʻa nau maʻu Ia ʻoku mohe. “Fakamoʻui kitautolu!” ko ʻenau kailá ia.

“Ko e hā ʻoku mou ilifia aí?” ko e ʻeke ange ia ʻe Sīsuú.

Naʻe tuʻu ʻa Sīsū peá Ne fekau e matangi mālohí ke tuʻu. Naʻe mamata ʻa e kau ākongá ki he ʻikai toe fasi ʻa e ngaahi peaú pea nonga mo e havilí. Ne tolona ʻa e matangí, ʻo hangē ko hono fekau ʻe Sīsuú.

ʻOku tau ongoʻi ilifia he taimi ʻe niʻihi ʻi he hoko e ʻū meʻa fakamanavaheé. Ka ʻoku ofi pē ʻa Sīsū. ʻE lava ʻo tokoni haʻatau fakakaukau kiate Ia ke tau ongoʻi malu mo nonga.