Ko ʻEtau Pēsí

2013

Sepitema 2013

Contents
Fakahokohoko ʻo e Tohí
- Ngaahi Fakakaukau Maʻá e Efiafi Fakafāmili ʻi ʻApí
Kau Māʻoniʻoni ʻi he Taimi Kotoa pē
- Naʻá ku Lava ʻo Tukuange ʻa ʻEku Loto Mamahí
- Ngāue ʻi he Taimi Kotoa pē
Moʻui fakafalala pē kiate kitá
Kiʻi Tohi Fakamatala ʻo e Konifelenisi ʻo ʻEpēlelí 2013
- Ngaahi talanoa mei he Konifelenisí
Kuo Pau ke Fakaʻaongaʻi e Lakanga Fakataulaʻeikí ʻi he Tuʻunga Taau
Ne ʻIkai Teitei Kailangakiʻi Au ʻe he ʻOtuá
Name withheld
Ko e Hā Hono Mahuʻinga ʻo Sīsū kiate Kitautolu he ʻAho Ní?
David B. Haight
Ongoongo ʻo e Siasí
Ko ʻEku Ngaahi Lotu ʻo e Fakafetaʻí
Christie Skrinak
Ko e Fakamaau-totonu mo e ʻAloʻofa ʻa e ʻOtuá
Jeffrey R. Holland
ʻAloʻofa Faka-Kalaisi
Randy L. Daybell
ʻOku Fakapapauʻi Fēfē ʻa e Tokāteliné?
ʻOku Fie Maʻu ʻe he Kau Talavou ʻo e ʻAho Ní ha Kau Faʻifaʻitakiʻanga Māʻoniʻoni
Hikari Loftus
Kei Hoko ko ha Ui Mahino
Richard M. Romney
Ngaahi Leʻo ʻo e Kau Māʻoniʻoni ʻi he Ngaahi ʻAho Kimui Ní
Kakai Lalahi Kei Talavoú
- ʻOku Lahi Feʻunga ʻEne ʻAloʻofá
  Brad Wilcox
Toʻu Tupú
Fānaú
Ko e Houalotu Sākalamēniti Lōloa Tahá
Okon Edet Effiong
Tā ʻo e Palōfitá

Ko ʻEtau Pēsí

Sepitema 2013

Ko ʻEtau Pēsí

ʻOku ou ʻofa ʻaupito ʻi heʻeku faʻeé mo fie tokoni kiate ia ʻi he fufulu e ʻū peletí. ʻOku ou toe lotua foki mo ʻeku tangataʻeikí. ʻOku ou ʻiloʻi ʻoku talamai ʻe he Tamai Hēvaní, “ʻOua ʻe tā ʻa e kakaí, ʻoua ʻe laukovi ki he kakaí, pea ʻoua ʻe fakamamahiʻi e fanga kiʻi monumanu īkí.”

Iā-Sī C., taʻu 4, Taiuani

ʻOku ou manako ke poupou fakalaumālie mo lotu ʻi he lolotonga ʻo e efiafi fakafāmili ʻi ʻapí. ʻOku ou saiʻia ʻi hoku ngaahi kaungāmeʻa he Palaimelí, pea ʻoku ou saiʻia ke ohi mo tauhi e fanga kiʻi lupé. ʻOku ou fie ʻalu ki he Temipale Nāvuú ʻi ha ʻaho, pea ʻoku ou fie hoko foki ko ha faifekau. ʻOku ou ʻofa lahi ʻi hoku fāmilí! ʻOku ou ʻilo ʻoku moʻoni e Siasí, pea ʻoku ou saiʻia ʻi he Tohi ʻa Molomoná.

Pilinisi M., taʻu 9, Filipaini

ʻOku lau ʻe Pilinisi mo hono tuofāfiné e folofolá he lolotonga e efiafi fakafāmili ʻi ʻapí.

Makalina G., taʻu 8, Silei

Maʻu ha ʻAho Fāʻeleʻi Fiefia, tā ʻe Sēmisi C., taʻu 5, Pelū

ʻOku ou ʻilo ʻoku moʻui ʻa Sīsū Kalaisi, ʻoku ʻofa ʻiate kitautolu, pea ʻoku moʻoni e Siasí. ʻOku akoʻi ʻe he talanoa ʻo e ʻakau ʻo e moʻuí kapau te tau muimui ki he ongoongoleleí, te tau lava ʻo fiefia.

Manueli R., taʻu 5, Venisuela

Sala G., taʻu 6, Kuatemala

Feinga ke Hangē ko Sīsuú

ʻI heʻeku hū mai mei he fale vaʻingá he akó ʻi ha ʻaho ʻe taha, kuo ʻosi huaʻi ʻeku ngaahi meʻá kotoa mei heʻeku kató, pea mole mo ha meʻa-vaʻinga naʻe ʻi ai. Naʻá ku fakakaukau kuo ʻave ʻeku meʻavaʻingá ʻe hoku kaungāmeʻá he naʻe feinga he konga ki muʻa ʻo e ʻaho ko iá ke ne fakatau meiate au. Naʻá ku loto mamahi koeʻuhí he ʻikai ke ma toe kaungāmeʻa. Naʻá ku lotu he pō ko iá ke mahino ki he taha naʻá ne ʻave ʻeku meʻavaʻingá ʻoku hala pea ke ne fakafoki mai. Naʻe fakafoki mai ʻi he akó he ʻaho hono hokó ʻe hoku kaungāmeʻá ʻa e meʻavaʻingá mo kole fakamolemole ka ma toe kaungāmeʻa pē. Naʻá ku fiefia lahi, peá u fakamolemoleʻi ia. ʻOku ou fakamālō ʻi he tokoniʻi ʻe he Laumālie Māʻoniʻoní au mo hoku kaungāmeʻá ke ma fai e meʻa totonú. ʻOku ou ʻilo te u lava ʻo lotu ki he Tamai Hēvaní ʻi ha taimi pē pea ʻe tokoni mai.

Pelenitoni A., taʻu 8, Mekisikou

Naʻá ku ʻave mo ʻeku fineʻeikí ʻi ha taimi ʻe taha hoku ongo tokouá ki he malaʻe vakapuná ke na folau. Ne fihituʻu e halá, pea ne mau manavasiʻi naʻá na tōmui ki he vakapuná. Naʻe ʻikai ke fuʻu ongoʻi moʻui lelei foki mo ʻeku fineʻeikí Ko e taimi ia ne u fai ai ha lotu, pea naʻá ku tui ʻe tali. Naʻá ma lava ʻo aʻutaki kei taimi hoku ongo tokouá ki hona vaká! ʻOku ou ʻilo naʻe ongona ʻe he Tamai Hēvaní ʻeku lotú.

Sala P., taʻu 11, ʻĪtali

Ko e taimi naʻe toe ai pē ha ʻaho ʻe taha pe ua ki hoku papitaiso mo hilifakinimá, naʻá ku mofi mo ʻikai ke u fuʻu ongoʻi lelei fēfē. Naʻe ʻikai ke u loto ke toloi hoku papitaisó. Naʻá ku ongoʻi ʻoku totonu ke fakahoko ia ʻi he ʻaho ne fokotuʻú. Ne ō mai ha kāinga mo ha ngaahi maheni tokolahi, pea ko hanau niʻihi naʻe ʻikai Siasi, ki hoku papitaisó. Ko e taimi ne papitaiso ai aú, ne holo leva hoku mofí, peá u ongoʻi lelei ange. Naʻá ku ongoʻi mālohi moʻoni e Laumālie Māʻoniʻoní he ʻaho ko iá. ʻOku ou houngaʻia ʻi he lava ke u papitaiso mo maʻu ʻa e Laumālie Māʻoniʻoní.

Sala M., taʻu 8, Sipeini

ʻOku manako e fānau Palaimeli ʻo e Uooti Mōnei ʻo e Siteiki Kuenisā ʻEkuatoá, ke ako ki he ongoongoleleí.

Te u manatuʻi maʻu pē e ʻaho hoku papitaisó he ko e ʻaho mahuʻinga taha ia ʻo ʻeku moʻuí. Ko e ʻaho ia ne u fai ai ha fuakava mo e Tamai Hēvaní. ʻOku ou ʻilo ʻoku moʻui e Tamai Hēvaní mo Hono ʻAlo ko Sīsū Kalaisí pea ʻokú na ʻofa lahi ʻiate au. ʻOku ou saiʻia ke ʻalu ki he temipalé, neongo he ʻikai ke u lava ʻo hū ki ai he taimí ni.

Militoni ʻĒlone V., taʻu 10, ʻEkuatoa

Ko Militoni mo ʻene tangataʻeikí ʻi he ʻaho ne papitaiso aí.