Ko e ʻAho ʻe Fitu kimuʻa He Toetuʻú

Naʻe fekauʻi mai ʻe he Tamai Hēvaní Hono ʻAló, ko Sīsū Kalaisi, ke ʻaloʻi mai ʻi he māmaní.

• Luke 2:4–7

• “Naʻá Ne Fekau Hono ʻAló” (Tohi Hiva ʻa e Fānaú, 20).

Naʻe hoko pē ʻa Sīsū ko ha fānau. Te tau lava pē ʻo hangē ko Iá ʻaki ʻetau fai leleí mo angaʻofá.

• Luke 2:40, 52

• “Ko Sīsuú Naʻá Ne Hangē Ha kiʻi Tamasiʻí” (Tohi Hiva ʻA e Fānaú, 34).

Naʻe tauhi kotoa pē ʻe Sīsū ʻa e ngaahi fekau ʻa e Tamai Hēvaní, kau ai ʻa e fekau ke papitaisó.

• Mātiu 3:13–17

• “When Jesus Christ Was Baptized” (Childrenʻs Songbook, 102).

Naʻe fakahoko ʻe Sīsū ha ngaahi mana lahi, ʻo hangē ko hono fakamoʻui e kakai naʻe puké, ko hono tokoniʻi ʻa e kakai kuí ke nau toe ʻā, pea taʻofiʻa e matangí.

• Maʻake 4:36–39

• “Talamai ʻa e Ngaahi Talanoa ʻo Sīsū” (Tohi Hiva ʻa e Fānaú, 36).

ʻI he ʻOhomohe Fakaʻosí, naʻe kole ʻe Sīsū ki Heʻene kau ākongá ke nau maʻu ʻa e sākalamēnití ko ha founga ke manatu ai kiate Ia. ʻI he taimi ʻoku tau maʻu ai ʻa e sākalamēnití he uike kotoa pē te tau lava ʻo manatuʻi ʻa e Fakamoʻuí.

• Luke 22:19–20

• Talanoa ki hoʻo mātuʻá ʻo kau ki ha meʻa te ke lava ʻo fai ke tokoniʻi ai koe ke ke fakakaukau kia Sīsū lolotonga e sākalamēniti ʻo e Sāpate ko ʻení.

Koeʻuhí ʻoku ʻofa ʻa e Tamai Hēvaní mo Sīsū ʻiate kitautolu, naʻe haʻu ʻa Sīsū ki he māmaní ke fua ʻetau ngaahi angahalá koeʻuhi ke fakamolemoleʻi kitautolu pea tau foki ki he Tamai Hēvaní.

• Luke 22:41–44

• Ko e hā ha meʻa ʻe lava ke ke fai ʻi he ʻahó ni ke fakahaaʻi ai kia Sīsū ʻokú ke fakamālō koeʻuhí ko ʻEne feilaulaú?

Naʻe toetuʻu ʻa Sīsū, hili haʻane ʻi he fonualotó ʻi he ʻaho ʻe tolu. Koeʻuhí naʻá Ne toetuʻu, te tau lava ʻo toetuʻu foki.

• Sione 20:15–17

• Luke 24:36–40

• “Naʻe Toetuʻu Nai ʻa Sīsū?” (Tohi Hiva ʻA e Fānaú, 64).