Ikuna ʻo fakafou ʻia Sīsū Kalaisi

ʻĪmisi

Young man with his eyes closed and arms folded in prayer.

Naʻá ku palopalemaʻia ʻi he kai lahí. Naʻe tupu mei heʻeku faʻa kaí ha ongoʻi halaia, loto taʻefiemālie, mo e lotomamahi lahi ʻaupito. Naʻá ku ongoʻi vaivai ʻaupito ʻi heʻeku feinga ke ikunaʻi ʻeku palopalemá.

Naʻá ku taʻetokanga ʻi ha taimi lōloa ki he foʻi moʻoni ko ia ʻoku ʻikai ngata pē ʻi hono fakahaofi kitautolu ʻe he Fakalelei ʻa e Fakamoʻuí ka ʻokú ne huhuʻi mo fakahaohaoaʻi foki kitautolu, pea ʻoku kaunga foki ʻeni ki hoku ʻulungaanga angamaheni taʻe haohaoa ʻo e kai lahí.

Naʻá ku fakakaukau ke u tekaki ʻeku moʻuí ki hoku Fakamoʻuí. Naʻá ku lotu. Naʻá ku fakahā ʻi he loto moʻoni hoku vaivaí pea mo ʻeku fie maʻu ʻa e ʻaloʻofá, pea hili iá naʻá ku kole ki he Tamai Hēvaní ke tāpuekina au ʻaki ʻEne tokoni fakalangí ʻi he ʻaho ka hoko maí. Naʻá ku ongoʻi ʻi he pō ko iá ʻa e fakapapauʻi ʻo ha Tamai ʻofa ʻokú Ne maʻu ha holi taʻe mafakatataua ke tokoniʻi Hono fohá mo e mālohi taʻe toe fehuʻia ke fakahoko Hono finangaló.

Talu mei he pō ko iá, ne ʻikai toe maʻu ʻe he meʻakaí ʻa e ivi mālohi tatau kiate au. ʻOku ou ʻilo ko Sīsū Kalaisi ʻa e ʻuhinga ʻo ʻeku lavameʻá. Hangē pē ko Paulá, ʻOku ou ako ai “ʻoku ou faʻa fai ʻa e ngaahi meʻa kotoa pē ʻia Kalaisi ʻokú ne fakamālohiʻi aú” (Filipai 4:13). Pea ʻoku ou feinga ke ʻoua naʻa ngalo ʻa e lēsoni ʻe taha meia Paulá: “Fakafetaʻi ki he ʻOtuá, ʻa ia ʻokú ne foaki ke tau mālohi ʻi hotau ʻEiki ko Sīsū Kalaisí” (1 Kolinitō 15:57).