Ngaahi Tāpuaki Fakalangí

2015

Māʻasi 2015

Ko ha Talaʻofa Fakaepalōfita

Ngaahi Tāpuaki Fakalangí

ʻĪmisi

Official portrait of Elder Dieter F. Uchtdorf of the Quorum of the Twelve Apostles, 2006. Called as Second Counselor in the First Presidency, 3 February 2008. Made official portrait in 2008 replacing portrait taken in 2004.

“Mahalo te tau fakatokangaʻi ʻi he ngaahi taimi [faingataʻá], ʻoku tau fehuʻi ai kiate kitautolu, ‘ʻOku tau fuʻu fie maʻu moʻoni koā ke talangofua ki he ngaahi fekau kotoa ʻa e ʻOtuá?’

“ʻOku mahino ngofua ʻeku tali ki he fehuʻi ko ʻení:

“Te u pehē ʻoku ʻafioʻi ʻe he ʻOtuá ha meʻa ʻoku ʻikai ke tau ʻiloʻi—ha ngaahi meʻa ʻoku ʻikai ke tau lava ʻo mākupusi! Ko ʻetau Tamai Fakahēvaní ko ha taha Ia taʻengata ʻoku maʻongoʻonga ange ʻEne ngaahi aʻusiá, potó mo e tokaimaʻanangá. [Vakai, ʻIsaia 55:9.] …

“Te u pehē, ko e konga e palopalemá, he ʻoku tau fakakaukau kuo lokaʻi ʻe he ʻOtuá e kotoa ʻo ʻEne ngaahi tāpuakí ʻi ha fuʻu tukuʻanga koloa ʻi he langí, ʻo ʻikai finangalo ke foaki mai kae ʻoua kuo tau talangofua ki ha ngaahi fie maʻu pau mo ha ngāue mahino kuó Ne fokotuʻu. ʻOku ʻikai teitei pehē ʻa e ngaahi fekaú ia. Ko hono moʻoní, ʻoku lilingi taʻetuku mai ʻe he Tamai Hēvaní ʻa e ngaahi tāpuakí. Ka ʻoku hanga ʻe heʻetau manavasiʻí, veiveiuá mo e angahalá ʻo taʻofi e ngaahi tāpuakí ni ke ʻoua ʻe aʻu mai, ʻo hangē ha fakamalú.

“Ko ʻEne ngaahi fekaú ko ha ngaahi fakahinohino ʻofa mo ha tokoni fakalangi ke fakaava ʻa e faingamālié, ka tau lava ʻo maʻu e taumalingi taʻetuku mai e ngaahi tāpuaki fakalangí.”

Palesiteni Dieter F. Uchtdorf, Tokoni Ua ʻi he Kau Palesitenisī ʻUluakí, “Ko Hono Moʻui Fiefia ʻAki e Ongoongoleleí,” Liahona, Nōvema 2014, 121–22.