ʻOku ʻahiʻahiʻi ʻa e tokotaha kotoa pē ʻoku feʻunga ke fakamāuʻi ʻi he māmaní. Naʻa mo e Fakamoʻuí ne ʻahiʻahiʻi mo Ia. Ka naʻe malava nai ke Ne faiangahala? Ne akoʻi ʻe Palesiteni Hauati W. Hanitā (1907–95) ʻo pehē: “Kapau naʻe ʻikai ke ʻi ai ha faingamālie ke tukulolo ki he fakatauele ʻa Sētané, ta naʻe ʻikai ke mei ʻi ai ha siviʻi moʻoni, ʻikai ke ʻi ai ha ikuna moʻoni ʻi he fakaʻosí. … Naʻe haohaoa Ia mo ʻikai Haʻane angahala, ʻo ʻikai koeʻuhí he naʻe pau ke pehē, ka koeʻuhí he naʻá Ne finangalo mahino mo moʻoni ke pehē”(“The Temptations of Christ,” Ensign, Nov. 1976, 19).
Vakai ki he meʻa te ke ala ako mei he ngaahi akonaki ʻa e kau taki ko ʻeni ʻo e Siasí ki he founga naʻe tekeʻi ai ʻe he Fakamoʻuí ʻa e ʻahiʻahí.