Li k’uula’al aj Moises

Jalam-uuch

laj Farahon naril li rawa’b’ejihom

Lix junkab’al laj Jakob ki’ok choq’ nimla tenamit sa’ Egipto. A’aneb’ laj Israelita xk’ab’a’eb’. Laj Farahon, li rey re Egipto, kixxuwa naq sa’ junaq kutan k’a’jo’aq xk’ihaleb’ laj Israelita ut te’numtaaq sa’ xb’een Egipto, jo’kan naq ke’xk’eheb’ sa’ preexil.

Exodo 1:7–14

Jalam-uuch

eb’ laj k’aak’alenel neke’ril li nima’

Toja’ naq laj Farahon kixtaqla xkamsinkileb’ chixjunil li teelom aj Israelita li toje’ xe’yo’la. Ke’xuwak laj Israelita.

Exodo 1:15–22

Jalam-uuch

xYokebed, xMiriam, ut laj Moises sa’ li nima’

Jun na’b’ej aj Israelita, xYokebed xk’ab’a’, kixk’oxla chan ru tixkol li ralal. Kixk’e lix k’uula’al sa’ jun chakach ut kixmuq sa’ li ninqi pim chixk’atq li nima’ Nilo. Li xMiriam, li ranab’ li k’uula’al, kixk’aak’ale.

Exodo 2:1–4

Jalam-uuch

lix rab’in laj Farahon naxq’alu li k’uula’al aj Moises

Naq yoo chi atink sa’ li nima’, lix rab’in laj Farahon kixtaw li chakach. Kiril naq yoo chi yaab’ak li k’uula’al aj Israelita ut kiraj xk’iresinkil choq’ xyum a’an. Li xMiriam kiwulak rik’in lix rab’in laj Farahon ut kixpatz’ ma naru tixk’am jun ixq aj Israelita re xch’olaninkil li k’uula’al.

Exodo 2:5–6

Jalam-uuch

lix rab’in laj Farahon, xYokebed, xMiriam, ut laj Moises

Li xMiriam kixk’am xYokebed, lix na’, rik’in lix rab’in laj Farahon. Lix rab’in laj Farahon kixye naq tixtoj li xYokebed re naq tixch’olani li k’uula’al.

Exodo 2:8–9

Jalam-uuch

lix rab’in laj Farahon, xYokebed, ut laj Moises

Kiniman li k’uula’al aj Israelita. Lix rab’in laj Farahon kixk’iresi jo’ tz’aqal xyum a’an. Laj Moises kixk’e choq’ xk’ab’a’.

Exodo 2:10