Laj Jose sa’ Egipto

Jun loq’b’il moos na’ok choq’ awa’b’ej

Kik’ayiik laj Jose choq’ loq’b’il moos re jun winq, aj Potifar xk’ab’a’. Laj Potifer kik’anjelak rub’el laj Farahon, li awa’b’ej re Egipto. Laj Potifer kixk’e reetal naq li Qaawa’ yoo chixtenq’ankil laj Jose. Kixnaw naq chaab’il laj Jose ut kixk’e chixjolominkil li rochoch ut chixjunil wan re.

Genesis 39:1–6

Jalam-uuch

laj Jose naxye ink’a’ re li rixaqil laj Potifar

Laj Jose nawulak chiru li rixaqil laj Potifar. A’an kiraj naq laj Jose tixq’et xtaqlahom li Qaawa’ rik’in. Laj Jose kixye naq ink’a’ naraj.

Genesis 39:7–10

Jalam-uuch

laj Jose na’eelelik chiru li rixaqil laj Potifar

Ink’a’ ki’ab’in li rixaqil laj Potifar, jo’kan naq ki’eelelik laj Jose. A’an kijosq’o’ rik’in laj Jose.

Genesis 39:11–12

Jalam-uuch

li rixaqil laj Potifar na’aatinak rik’in laj Potifar

Kixk’ut jun xperelaq li raq’ laj Jose chiru laj Potifar. Kitik’ti’ik chirix laj Jose chiru laj Potifar. Laj Potifar kixtz’ap laj Jose sa’ tz’alam.

Genesis 39:13–20

Jalam-uuch

laj Jose sa’ tz’alam

Jachb’il rib’ laj Jose rik’in lix junkab’al. Okenaq choq’ loq’b’il moos, ut anajwan tz’apb’il sa’ tz’alam. A’b’an li Qaawa’ toj naxtenq’a laj Jose. Ink’a’ kisach xyo’onihom laj Jose. Li Qaawa’ kirosob’tesiheb’ laj k’aak’alenel re naq te’ril naq chaab’il xch’ool laj Jose. Eb’ laj k’aak’alenel ke’ok chixpaab’ankil, jo’kan naq ke’xk’e laj Jose chixjolominkil lix komoneb’ chik li preex.

Genesis 39:21

Jalam-uuch

laj Jose naxk’ut xyaalalil lix matk’eb’ li preex

Laj Jose kixnaw ru wiib’eb’ li preex, jun ak k’uub’anel wa ut jun li moos, li ke’k’anjelak chiru laj Farahon. Ke’wan xmatk’eb’ jalan jalanqeb’. Rik’in lix wankilal li Dios, laj Jose kixch’olob’ xyaalalil lix matk’eb’. Lix matk’ laj k’uub’anel wa kiraj xyeeb’al naq taa’ach’ab’aaq a’an. Oxib’ chik kutan chirix a’an, ki’ach’ab’aak ut ki’ok wi’chik chi k’anjelak chiru laj Farahon.

Genesis 39:22–23; 40:1–21

Jalam-uuch

yoo xk’a’uxl laj Farahon

Sa’ jun kutan, yoo xk’a’uxl laj Farahon xb’aan lix matk’. Maa’ani kiru chixyeeb’al re k’a’ru xyaalalil lix matk’.

Genesis 41:1–8

Jalam-uuch

laj k’uub’anel wa na’aatinak rik’in laj Farahon

Kinaq sa’ xch’ool laj k’uub’anel wa naq laj Jose naru chixch’olob’ankil xyaalalileb’ li matk’.

Genesis 41:9–13

Jalam-uuch

laj Jose naxk’ut xyaalalil lix matk’ laj Farahon

Kik’ame’ laj Jose chiru laj Farahon re xk’utb’al xyaalalil lix matk’. Laj Jose kixye naq li matk’ kiraj xyeeb’al naq sa’ Egipto taawanq naab’al li tzakemaq chiru wuqub’ chihab’, toja’ naq taawanq li we’ej chiru wuqub’ chik li chihab’. Laj Jose kixye re laj Farahon naq Egipto tento tixk’uula xtz’aqob’ li tzakemq chiruheb’ li chaab’il chihab’.

Genesis 41:14–36

Jalam-uuch

laj Jose naxk’ut li k’uulanb’il tzakemq chiru laj Farahon

Laj Farahon kixnaw naq yaal li kixye laj Jose chirix lix matk’. Kirach’ab’ laj Jose ut kixxaqab’ laj Jose choq’ jun nimla aj jolominel sa’ Egipto. Chiru wuqub’ chihab’ laj Jose kixtenq’a Egipto chixk’uulankil li tzakemq.

Genesis 41:37–53

Jalam-uuch

eb’ li kristiaan neke’xik Egipto

Toja’ naq kichal li we’ej. Sa’ xq’ehil a’an, maa’ani naru chi awk chi moko q’olok. Ke’chal li kristiaan sa’ Egipto re xloq’b’al li tzakemq k’uulanb’il xb’aan laj Jose. B’antiox re laj Jose, ke’wan tz’aqal xtzakemqeb’ laj Egipto ut xkomoneb’ chik li tenamit chiru li we’ej.

Genesis 41:54–57